סימן: אבר[הם]

אֲהָהּ אֵיךְ רוּחַ חֶלְדִּי יִשְׂעָרֵנִי

מִבֵּין אֶשְׁכְּלוֹת שָׁדַיִךְ יִקָּחֵנִי

וּבְחֵץ נְדוֹד הֵן יָשֹׁד לְשַׁד חַיַּי מֶנִּי

יְפַלַּח כִּלְיוֹתַי עֲדֵי כִי יַלְאֵנִי.

בְּחֵץ נְדוֹד חֻבָּתִי וּשְׂעִפַּי לֹא דָמּוּ

כַּהֲמוֹת יַמִּים הָמוּ וְלִמְאֹד שָׁמְמוּ

חָשׁוּ בְּאוֹר לְחָיַיִךְ אֲשֶׁר אָדְמוּ

כְּמוֹ שׁוֹשַׁן וּכְמוֹ בְאַרְגָּמָן רֻקְּמוּ.

רַבּוּ דִמְעוֹתַי, אֶרֶץ בָּם הִרְוֵיתִי

לֹא מֵי דִמְעָה, אַךְ דַּם עוֹרְקַי הֲשִׁיקוֹתִי

לֹא חַיִּים כָּאֵלֶּה חֲיוֹת אָבִיתִי

כִּי אַךְ בֵּין זְרוֹעוֹתַיִךְ מוּת אִוִּיתִי.