סימן: שׂלימאן. מנגינה: צופיאן.

רֵאשִׁית כָּל קִנְיָן ה׳ קָנָנִי

יָהּ אֵלִי אֵלִי

וְהוּא אָמַר אֱלֹהֶיךָ אָנִי.

שׂוֹשׂ אָשִׂישׂ בָּךְ אֵל וְתָגֵל נַפְשִׁי

יָהּ אֵלִי אֵלִי

אֶעֱבֹד שַׁחְרִי וְרַמְשִׁי.

לָךְ נַפְשִׁי וְרוּחִי וְנִשְׁמָתִי תּוֹדֶה

יָהּ אֵלִי אֵלִי

אַתָּה יָחִיד אֵל חַי מַצִּיל וּפוֹדֶה

חִישׁ הַצֵּל יוֹנָתְךָ מִצּוֹדֶה רוֹדֶה

יָהּ אֵלִי אֵלִי

לְמַעַנְךָ עֲשֵׂה אִם לֹא לְמַעֲנִי.

יָהּ פּוֹדֶה מִשְּׁבִי לְבַת עֲדִינָה

יָהּ אֵלִי אֵלִי

עוֹרְרָה גְבוּרָתְךָ וְדוּן דִינָהּ

אֵל נוֹרָא דִינָא וּמַלְכוּתָךְ דִּינַָה

יָהּ אֵלִי אֵלִי

קוּם נְקֹם נִקְמַת גּוֹי אֶבְיוֹן וְעָנִי.

מַלְכוּתְךָ מֻטֶּלֶת עַל כָּל יְצוּרִים

יָהּ אֵלִי אֵלִי

אַדִּיר נָאוֹר וְצוּר עַל כָּל יְצוּרִים

שַׂמַּח לֵב עֲזוּבִים וַעֲצוּרִים

יָהּ אֵלִי אֵלִי

אָגִיל אֶשְׂמַח כִּי שִׂמַּחְתַּנִי.

אֱלֹהַי לִמַּדְתַּנִי אֶת חֻקֶּיךָ

יָהּ אֵלִי אֵלִי

וְתָמִיד לְשׁוֹנִי תֶּהְגֶּה צִדְקֶךָ

כִּי אַתָּה חֶלְקָם וְהֵם חֶלְקֶךָ

יָהּ אֵלִי אֵלִי

אִמַּרְתִּיךָ וְהֶאֱמַרְתָּנִי.

נוֹרָא קַדֵּשׁ אֶת שִׁמְךָ בְּעוֹלָמֶךָ

יָהּ אֵלִי אֵלִי

וְכוֹנֵן בֵּית מִקְדָשְׁךָ וּבְנֵה אוּלַמֶּךָ

עַל בֶּן דָּוִד חַי גָּאַלְתָּ עַמֶּךָ

יָהּ אֵלִי אֵלִי

כְּמֵאָז, מִבֵּית עַבְדּוּת גְּאַלְתָּנִי.