סימן: סלימאן. מנגינה: חוסיני
סִתְרִי עֲנֵה / לְדָל נַעְנֶה / וְתֵן מַעְנֶה / בִלְשׁוֹנִי
סְלַח רִשְׁעִי / מְחֵה פִשְׁעִי / אוֹרִי וְיִשְׁעִי / וְקוֹנִי
אַתָּה עֲשִׂיתַנִי / אֵל חַי יְצַרְתַּנִי / מֵאָז בְּרָאתַנִי / וְאָצַלְתָּ אוֹרִי אוֹרִי אוֹרִי
הָאֵר עֵינַי / וְאִישׁוֹנַי / בְּאוֹר פָּנֶי/ךָ נְחֵנִי.
לָךְ אֶתְפַּלָּל / אֵל מְהֻלָּל / עֲנֵה אֻמְלָל / וְעָנִי
הַבֵּט וּרְאֵה / לִבּוֹ נִכְאֶה / הַשְׁקֵף וּרְאֵה / בְעֹנִי
אֲדֹנָי חָנֵּנִי / בְּקָרְאִי עֲנֵנִי / אֱלֹהַי פְּדֵנִי / מִיָּד צָרִי צָרִי צָרִי
רִיבָה רִיבִי / נְקֹם אוֹיְבִי / מִבּוֹר שְׁבִי / יָהּ דְּלֵנִי.
יָהּ אֵל רוּחִי / שְׁמַע שִׂיחִי / וֶאְסֹף נִדְחִי / לִמְכוֹנִי
צוּר מִבְטַחִי / אַתָּה גֹחִי / בְּךָ כֹחִי / וְאוֹנִי
תָּשׁוּב תְּחָנֵּנִי / אֵל חַי הֲקִימֵנִי / וְסֹב נַחֲמֵנִי / וּשְׁלַח צִירִי צִירִי צִירִי
קַל כַּצְּבִי / עִם אִישׁ תִּשְׁבִּי / יִשְׂמַח לִבִּי / תָּשׁוּר עֵינִי.
מַלְכִּי שְׁעֵה / שׁוּבָה וּרְעֵה / בְּטוּב מִרְעֶה / אֶת צֹאנִי
אָנָּא אֵל דַּל / מֵעָפָר דַּל / אָשִׂישׂ, יִגְדַּל / עֶלְצוֹנִי
אַל לָעַד תִּנְשֵׁנִי / וְאַל תְּבִישֵׁנִי / יָחִיד וְאֵין שֵׁנִי / הָקֵם שׁוּרִי שׁוּרִי שׁוּרִי
בְּנֵה מָעוֹן / וְאַפִּרְיוֹן / אֶל הַר צִיּוֹן / הַעֲלֵנִי.
אֲדוֹן עוֹלָם / מֶלֶךְ נֶעְלָם / חֹן דָּךְ נִכְלָם / וּרְצֵנִי
יוֹצֵר כָּל חַי / שׁוּר שְׁבָחַי / בְּךָ אֵל חַי / רַעְיוֹנִי
אֲדֹנָי נֶגְדְּךָ / תַּאֲוַת עַבְדְּךָ / צוּרִי בְחַסְדְּךָ / רְפָא צִירִי צִירִי צִירִי
שְׁמַע נִיבִי / מָגֵן אָבִי / מִמַּכְאוֹבִי / רְפָאֵנִי.
נֵר נִשְׁמָתִי / וְצוּרָתִי / אֱיָלוּתִי / מָגִנִּי
אֵל נֶאֱמָן / אָב הָרַחְמָן / מִיָּדְךָ מַן / מְזוֹנִי
אֱלֹהַי עָזְרֵנִי / לְטוֹבָה זָכְרֵנִי / וְאַתָּה תוֹרֵנִי / דַּרְכֵי מוֹרִי מוֹרִי מוֹרִי
נָא אֵל יָחִיד / שְׁלַח נָגִיד / לְבֶן דָּוִד / נָא הַרְאֵנִי.