מתוך ״משכיות כסף״
סימן: ששון
ג
שְׁכֹן אֶרֶץ וּרְעֵה תָמִיד אֱמוּנָה / עַד בּוֹא הַשֶּׁמֶשׁ יָדֶיךָ אֱמוּנָה
רוּחֲךָ תָשׁוּב לוֹ כַאֲשֶׁר נִתְּנָה / כְּמוֹ אֲשֶׁר הָיְתָה אִתּוֹ בְאָמְנָה
שְׁמֹר עַצְמְךָ פֶּן תַּחֲלִיף רוּחַ / בְּמֹץ אֲשֶׁר תִּדְּפֶנּוּ רוּחַ
הַיּוֹם לְבוּשְׁךָ בּוּץ וּמְעִיל סָרוּחַ / מָחָר לְבוּשְׁךָ בּוּז וּמְעִיל סָרוּחַ
וְהִסְתַּכֵּל תָּמִיד מֵאַיִן בָּאתָ / וְהוֹלֵךְ לִמְקוֹם שְׁאִיָּה וּבָתָה
יְצוּעֶיךָ עָפָר לְךָ יָאָתָה / כִּי פִתְאֹם עָלֶיךָ זָרַח וְאָתָא
נֶגֶד עֵינֶיךָ שִׂים כִּי דִין מִמְּךָ יִדְרֹשׁ / עֵד, דַּיָּן הַמִּתְנַשֵּׂא לְכֹל לְרֹאשׁ
הֲלֹא אִם תֵּיטִיב שְׂאֵת בַּשָּׁמַיִם רֹאשׁ / וְאִם לֹא תֵיטִיב הֲלֹא לָעֲנָה וָרוֹשׁ
אֵיךְ יֶעֱרַב לָךְ עֲלִיּוֹת מְרֻוָּחוֹת / אַתָּה תוּרַד תַּחְתִּיּוֹת בַּאֲנָחוֹת
עַל אֶרֶץ תִּישַׁן וְתֹאכַל אֲרוּחוֹת / יָרָק וְתֵלֵךְ בְּשֹׂבַע שְׂמָחוֹת.
לַאֲחֵרִים אַתָּה צוֹבֵר וְאוֹסֵף / וּלְרוּחֲךָ אֵין לָךְ בָּהּ חֶמְדָּה וַָכֹסֶף
וּמָכוֹר אִם תִּמְכְּרֶנָּה בְּכֶסֶף / וְיָצְאָה חִנָּם בִּכְלִמָּה וָכֹסֶף
בְּקֶרֶב כָּל אִישׁ אֵשׁ יִבְעַר וְיִשַּׂק / כִּי תַחַת פְּתִיגִיל, מַחֲגֹרֶת שַׂק
וְאֵיךְ רַגְלָיו יָרוּצוּ לַחֲרֹךְ שַׂק / עַל הָעֹשֶׁק אֲשֶׁר עָשַׁק וְחָשָׁק
אֵיךְ בַּיִת נֶאֱמָן מְדוֹר הַנְּשָׁמָה / עֲזַבְתִּיהוּ וְשַׂמְתִּיהוּ לְשַׁמָּה
וְלִמְלוֹן אוֹרְחִים תָּמִיד עַיִן אָשִׂימָה / עָרוֹם יָצָאתִי, עָרוֹם אָשׁוּב שָׁמָּה
בְּבֹא הֵלֶךְ לְהַחְטִיא בְשָׂרֶךָ / זְכֹר כְּלוֹת בְּשָׂרָךְ וּשְׁאֵרֶךָ
יַעַזְבוּךָ קְרוֹבֶיךָ וּשְׁאֵרֶיךָ / חֶצְיָךְ לֶעָפָר וְלַסָּס שְׁאֵרֶיךָ
כְּבוֹדְךָ בְּעֵינֶיךָ אֵיךְ יְשֻׁפַּר / וְהֶבֶל אָחִיךָ רֶשֶׁת לָךְ חָפַר
וְאֵיךְ לֹא תֵבוֹשׁ עַד מְאֹד וְתֶחְפַּר / כִּי עָפָר אַתָּה וְתָשׁוּב לֶעָפָר
אֹכֶל וּמִשְׁתֶּה וּלְבוּשׁ שֵׁשׁ וְתוֹלָע / וְהָפַךְ לִמְשֻׁטֶּה וְסוֹף יָרוּם תּוֹלָע
בְּלֹא צֶדֶק יֶאֱסֹף זוּז וָסֶלַע / נַפְשׁוֹ כְקֶלַע בְּתוֹךְ הַר וָסֶלַע
קוּם עַד אֲשֶׁר לֹא יֵרָתֵק הַחֶבֶל / מִפְּנֵי שֵׂיבָה, וְהֶעָלֶה נָבֵל
אֵיךְ תִּשְׂמַח עֲלֵי עָשׂוֹר וַעֲלֵי נֵבֶל / וִימֵי הַיַּלְדּוּת וְהַשַּׁחֲרוּת הָבֶל
כָּל מוֹרֵד יָחִישׁ וִיכַפְּרָה פָנָיו / בְּטֶרֶם יָשִׂים אֶל הַמִּדְבָּר פָּנָיו
לָכֵן בִּין יָבִין אֶת אֲשֶׁר לְפָנָיו / כִּי נַפְשׁוֹ סוֹף שָׁחַט אוֹתָהּ לְפָנָיו
אֵיךְ עַל רִיב לֹא לוֹ עוֹבֵר וּמִתְעַבֵּר / לַהֶבֶל דָּמָה יָמָיו כְּצֵל עוֹבֵר
צֶדֶק יֶאְזֹר וּלְפָנָיו יֵלֵךְ דָּבָר / שִׂפְתוֹתָיו שׁוֹשַׁנִּים נוֹטְפוֹת מוֹר עוֹבֵר.