סימן: משה ישועה חזק. לחן: יא מחיל יאבני סרת גומני.
צוּרִי חָנֵּנִי / כִּי בָךְ בִּטְחוֹנִי / מַהֵר הַעְלֵנִי / לְעִיר שְׂשׂוֹנִי
מִשְׁתּוֹקֵק לִרְאוֹת / אֶת קֵץ פְּלָאוֹת / עוֹשֵׂה נִפְלָאוֹת / הָפֵק רְצוֹנִי
שְׁנָתִי תִדַּד / וְאֵשְׁבָה בָדָד / עַל כִּי עֲדֵי עַד / אֵחַר פִּדְיוֹנִי
הַגִּידָה לִי, דּוֹד, / עֲדֵי אָן אֶדֹּד / צִפִּיתִי וְעוֹד / לָךְ תִּכְלֶה עֵינִי
יָקַד לְבָבִי / בִּרְאוֹתִי אוֹיְבִי / רוֹדִי וְעוֹלְבִי / חִיל אֲחָזָנִי
שִׂבַּרְתִּי חַסְדָּךְ / תַּטֶּה עַל עַבְדָּךְ / כִּי הוּא דַל וָדָךְ / נִבְזֶה מֵעֹנִי
וְלָמָּה, דּוֹדִי / תְּחַל כְּבוֹדִי / מָגֵן בַּעֲדִי / שׁוּב חַלְּצֵנִי
עֲלֵי עֲשׂוֹרִי / וְגַם כִּנּוֹרִי / אֲהַלֵּל צוּרִי / רִנָּה בִלְשׁוֹנִי
הֲלֹא בָךְ חִשְׁקִי / שְׁמַע נַאֲקִי / מִידֵי כָל עוֹשְׁקִי / פְּדֵה הֲמוֹנִי
חֲמֹל עָלַי כִּי / אַתָּה הוּא מַלְכִּי / הַגִּיהַּ חָשְׁכִּי / שְׁעֵה הֶגְיוֹנִי
זָכַרְתִּי יְמֵי / נִרְוֵיתִי מִמֵּי / יִשְׁעָךְ וְעַל מֶה / דּוֹד, זְנַחְתָּנִי
קַוֹּה קִוִּיתִי לְדוֹד חֶמְדָּתִי / יִרְצֶה שִׁירָתִי / חֵלֶף קָרְבָּנִי.