לוגו
אל פלוני אלמוני
פרק:
מיקום ביצירה:
0%
X
F
U

דָּגָן וְתִירשׁ מָלְאוּ אֲסָמֶיךָ

עֲנָבִים וְזֵיתִים גָּרְנְךָ וִיקָבֶיךָ

חֶסֶר וְכָפָן לֹא יָדַעְתָּ

לֶחֶם לִשְׂבֹּעַ אָכַלְתָּ וְשָׂבַעְתָּ

וּמֵרֹב כֹּל שָׁמַנְתָּ עָבִיתָ

גַּם פִּימָה עֲלֵי כֶסֶל עָשִׂיתָ

לֹא תַאֲמִין לַדָּל כִּי רָעֵב הִנֵּהוּ

צֵא! תִּקְרָא מִפָּנֶיךָ תְּגָרְשֵׁהוּ

תִּקְפֹּץ יָדְךָ הַעֲנִיקֵהוּ מָנַעְתָּ

רֵיקָם תְּשַׁלְּחֵהוּ רַחֵם בַּל יָדַעְתָּ

תִּשְׁכַּח כִּי לֹא לְךָ הַהוֹן מֵאֱלֹהֶיךָ

אַךְ סֹכֵן אַתָּה לְחַלְּקָם לַעֲנִיֵּי עַמֶּךָ

וְאִם תִּמְעֹל מַעַל לְשׂוּמָם בְּכֵלֶיךָ

גְּנוּבִים הֵם אִתְּךָ חַטָּאתְךָ לְנֶגְדֶּךָ

וְאִם אַחַת בַּשָּׁנָה אוֹ פַּעֲמַיִם

שְׁאוֹל יַחֲרִידְךָ לֹא תַאֲמִין בַּחַיִּים

יוֹם מוֹעֵד הוּא בּוֹ מֵתוּ הוֹרֶיךָ

פַּחַד קְרָאֲךָ תִּירָא לְנַפְשֶׁךָ

מֵחֶרְדַּת מָוֶת וּשְׁאוֹל מִתַּחַת

אָז מֵחֵיקְךָ תּוֹצִיא הָאַמְתַּחַת

חִישׁ מַהֵר יָדְךָ אֶל חֵיקְךָ תָּשֵׁב

כִּי לֹא לִצְדָקָה זֹאת לְךָ תֵחָשֵׁב

כִּי תֵּת לְמַעַן הַשְׁקֵט מוֹרָא וָפַחַד

הֲלֹא הֶבֶל וָרִיק הֵמָּה גַּם יַחַד

כִּי תִתֵּן אַךְ לְמַעַן הַצֵּל נַפְשֶׁךָ

אַךְ לֹא מֵאַהֲבַת עֲמִיתֶךָ —

מֵעוֹדְךָ לֶחֶם דִּמְעָה לֹא אָכַלְתָּ

גַּם פִּתְּךָ בִּדְמָעוֹת לֹא טָבַלְתָּ

עַל מִשְׁכָּבְךָ לֵילוֹת לֹא בָכִיתָ

לֵילוֹת עָמָל בְּאֵלֶּה לֹא נִסִּיתָ

אָז אֵיךְ תֵּדַע אֵל תַּשְׂכִּיל מַעֲשֵׂהוּ

דְּרָכָיו אֵיךְ תָּבִין גַּם נְתִיבוֹתֵיהוּ

הֲלֹא גָדְלוֹ וְנִפְלְאוֹתָיו לֹא רָאִיתָ

אַךְ כְּסוּס וּכְבַהֲמוֹת שָׂדַי הָיִיתָ

סְבִיבֶיךָ חשֶׁךְ עָנָן עַל פָּנֶיךָ

עִוֵּר אַתָּה טַח מֵרְאוֹת עֵינֶיךָ.

חֶמְדּת תֵּבֵל הוֹן וָעשֶׁר בְּבֵיתֶךָ

תִּלְעַג לְנָבוֹן חָכָם אַתָּה בְּעֵינֶיךָ

תַּרְבֶּה תְדַבֵּר בְּלִי חָכְמָה וָדַעַת

תְּדַמֶּה, מִפִּיךָ חָכְמָה נוֹבַעַת

כַּסְפְּךָ וּזְהָבְךָ יְעַוְּרוּ עֵינֶיךָ

לָכֵן תּוֹסִיף דַּבֵּר אֵין קֵץ לְמִלֶּיךָ

הַבֵּט בְּלֵב חָכָם מֵבִין יוֹדֵעַ

אֵיךְ יִצְחַק בְּקִרְבּוֹ סִכְלוּתְךָ שׁוֹמֵעַ.

תִּמְאַס דַּל וְאֶבְיוֹן לְסָכָל תִּתְּנֵהוּ

כֶּסֶף לֹא נִתַּן לוֹ בְּלִבְּךָ תִּבְזֵהוּ

לֹא תִשְׁאַל לִשְׁלוֹמוֹ אִם תִּפְגְּשֵׁהוּ

גַּם שְׁלוֹמְךָ כִּי יִדְרוֹשׁ לֹא תַעֲנֵהוּ

אִם תַּעֲשֶׂה מִשְׁתֶּה תִּקְרָא אַךְ נְדִיבִים

הֵם יֹאכְלוּ גַּם יִשְׁתּוּ נַפְשָׁם מְשִׁיבִים

בְּמַטְעַמִּים בְּמַעֲדַנִּים בְּשֵׁכָר וְיַיִן

וְלֶעָנִי וָדָל פַּת חֲרֵבָה אַיִן.

בֵּרַכְךָ אֱלֹהִים רְכוּשׁ רָכַשְׁתָּ

לָמָּה זֶה אֶבְיוֹן וָדַל נָטַשְׁתָּ

לָמָה הָאֻמְלָל מִסִּפְרְךָ יִמַּח

וְלֹא זָכַרְתָּ “וְחֵי אָחִיךָ עִמָּךְ”?

מַה תִּתְהַלֵּל בְּעָשְׁרְךָ וְלִבְּךָ יָרוּם

תִּלְבַּשׁ גֵּאוּת אֲבוֹתֵינוּ לֹא שְׂעָרוּם

שְׁגִיאוֹת! לֹא כֹחֲךָ וְעֹצֶם יָדֶךָ

מַתַּת אֱלֹהִים לֹא יְגִיעַ כַּפֶּיךָ.

לָמָּה תַבִּיט עַל דַּל כַּעֲלֵי תוֹלַעַת

כְּעַל סָכָל וָפֶתִי בְּלִי תְבוּנָה וָדַעַת

בְּתֵבֵל אַךְ הֵם יָפִיצוּ אוֹרָה

מִדַּלִּים וְרָשִׁים תֵּצֵא תוֹרָה

בְּלִי אוֹרָם חשֶׁךְ צִיָּה וְצַלְמָוֶת

בְּלִי נֵרָם אֹפֶל יָגוֹן וְעַצָּבֶת

יוֹשֵׁב מָרוֹם בְּצֶדֶק תֵּבֵל יְנַהֵל

לְךָ הַכֶּסֶף, בָּמוֹ חָכְמָה תַּהֵל

אִם תַּאֲכִילֵהוּ לֶחֶם וָמַיִם

הוּא יְלַמֶּדְךָ דַעַת וְדַרְכֵי הַחַיִּים,

לְהַלְבִּישׁ מַעֲרֻמָּיו כֶּסֶף בְּיָדֶךָ

הַעֲנִיקֵהוּ וְהוּא יַיְשִׁיר דְּרָכֶיךָ.

אִם תְּחַבֵּק הַכֶּסֶף בִּשְׁתֵּי יָדַיִם

לֹא תוֹצִיאֶנּוּ עוֹדְךָ בַחַיִּים

מָוֶת מֵעַל הַכֶּסֶף יִקָּחֶךָ

וּמְאוּמָה לֹא יִשָּׁאֵר בְּיָדֶךָ

רַק הַכֶּסֶף הָיָה לְךָ זֵר תִּפְאֶרֶת

הָגֹה כֶסֶף יִשָּׁאֵר רַק עוֹפֶרֶת

כְּמוֹ תִקַּח נֹאד וּתְמַלְאֶנּוּ רוּחַ

גַּם עוֹד בּוֹ תְּנַשֵּׁב תַּרְבֶּה תָּפוּחַ

גַּם תּוֹסִיף מֵאֲשֶׁר יָכִיל כִּפְלַיִם

מִבְּלִי תֵּת בּוֹ מוֹצָא גַּם בְּשׁוּלַיִם

אָז בְּחֹזֶק וָעֹז יִבָּקַע הַנֹּאד

תְּרַחֵף הָרוּחַ וְלֹא יִשָּׁאֶר בּוֹ עוֹד

כֵּן אִם תִּצְבּוֹר הוֹן בְּשׁוּבָה וָנַחַת

בְּלִי תֵת מוֹצָא לְבֶטֶן הָאַמְתַּחַת

אַמְתַּחְתְּךָ תִּבָּקַע אֵידְךָ בַּל יְאַחֵר

גַּם הוֹנְךָ וּרְכוּשְׁךָ יִקַּח אַחֵר

אָז בַּל תּוֹסִיף גָּאֹה בַּל תִּפְרָץ פָּרֶץ

הוֹדְךָ וְתִפְאַרְתְּךָ יִשְׁכַּב עֲלֵי אָרֶץ

אֵין מִי יָנוּד לָךְ זִכְרְךָ מִכֹּל יְקֻלָּל

כִּי כְבוֹדְךָ חִלַּלְתָּ וְשִׁמְךָ מְחֻלָּל.