כז

עָשִיתָ¹        אַרְבָּעָה אֲדָנִים מֵאָז נִקְצְבוּ

              בְּכָל דְּבָרְךָ מִצּוּר חָכְמָתְךָ נֶחְצְבוּ

              הֵמָּה יְסוֹדוֹת וַעֲלֵיהֶם יִתְיַצְּבוּ

              עַמּוּדֵי שָׁמַיִם

5             אַתָּה עָשִׂיתָ אֶת הַשָּׁמַיִם.

עָשִׂיתָ        בְּרֵאשִׁית שִׁבְעָה גַּלְגַּלֵּי רְקִיעִים

              בְּרוּחַ פִּיו עֲגוּלִים לֹא מְרֻבְּעִים

              מִנְיָנָם בְּהִתְחַלְּקָם עוֹלָה לִשְׁלֹשׁ מֵאוֹת וְתִשְׁעִים

              הִנֵּה הַשָּׁמַיִם וּשְׁמֵי הַשָּׁמַיִם

              אַתָּה עָשִׂיתָ אֶת הַשָּׁמַיִם

עָשִׂיתָ        גִּזְרָתָם גִּזְרַת סַפִּירִים

              לְטוּשֵׁי גַב כְּעֵין קֶרַח וּבָרִים

              כַּנֵּרוֹת בַּעֲשָׁשִׁיּוֹת מַזְהִירִים

              בִּרְקִיעַ הַשָּׁמַיִם

15            אַתָּה עָשִׂיתָ אֶת הַשָּׁמַיִם.

עָשִׂיתָ        דִּמְיוֹנָם כִּרְאִי מוּצָקִים

              עוֹמְדִים בְּלִי חֹלֶשׁ חֲזָקִים

              אֶחָד בְּאֶחָד כְּגִלְדֵי בְּצָלִים דְּבֵקִים

              אֵלֶּה תּוֹלְדוֹת הַשָּׁמַיִם

20            אַתָּה עָשִׂיתָ אֶת הַשָּׁמַיִם.

עָשִׂיתָ        הַדְרַת שִׁבְעָה כּוֹכְבֵי לֶכֶת לְעֻומַּת שִׁבְעָתָם

              לִפְנֵיהֶם יְצַרְתָּם וּבָהֶם קְבַעְתָּם

              בָרְבִיעִי מְאוֹר יְצַרְתּוֹ בָרִאשׁוֹן חֲצַבְתֶּם

              בְּיוֹם עֲשׂוֹת יְיָ אֱלֹהִים אֶרֶץ וְשָׁמַיִם

25           אַתָּה עָשִׂיתָ אֶת הַשָּׁמַיִם.

עָשִׂיתָ        וְתִקַּנְּתְּ כָּל אֶחָד בְּמַתְכֻּנְתּוֹ

              לְשְׁמֹר דְּבַר יוֹם בְּיוֹמוֹ מִשְׁמַרְתּוֹ

              וְלַעֲשׂוֹת אִישׁ אִישׁ מְלַאכְתּוֹ נְתַתּוֹ

              עַל פְּנֵי רְקִיעַ הַשָּׁמַיִם

30            אַתָּה עָשִׂיתָ אֶת הַשָּׁמַיִם.

עָשִׂיתָ        זֹהַר שְׁנֵים עָשָׂר מַזָּלוֹת מוּסַבִּים בִּמְסִבּוֹ

              כָּל יְמֵי עוֹלָם עוֹלִים וְיוֹרְדִים בּוֹ

              בְּדַעְתְּךְ חַקּוֹתָם עַל פְּנֵי אָרְכּוֹ וְרָחְבּוֹ

              יָדַעְתָּ חֻקֹּת שָׁמַיִם

35            אַתָּה עָשִׂיתָ אֶת הַשָּׁמַיִם.

עָשִׂיתָ        חוּג מִתְגַּלְגֵּל לְאִטּוֹ בִמְחוּגָה

              מְרוֹצֵץ בְּלִי פַּעַם מֵאֵין פּוּגָה

              לְפִיךָ מִתְהַלֵּךְ בְּלִי רִפְיוֹן וּמְשׁוּגָה

              חוּג שָׁמַיִם

40           אַתָּה עָשִׂיתָ אֶת הַשָּׁמַיִם.

עָשִׂיתָ        טִירַת כּוֹכְבֵי הִלּוּךְ בְּמַזָּלוֹתָם

              הֵם הֵם בָּתֵּי גַּבְהוּתָם וְשִׁפְלוּתָם

              עִתִּים מִתְאַחֲרִים וְעִתִּים חָשִׁים בִּמְרוּצָתָם

              מִקְצֵה הַשָּׁמַיִם וְעַד קְצֵה הַשָּׁמַיִם

45            אַתָּה עָשִׂיתָ אֶת הַשָּׁמַיִם.

עָשִׂיתָ        יִשְׁרַת שִׁשָּׁה מִתְכַּסִּים מֵהֶם וְשִׁשָּׁה מְגֻולִּים

              עָלָה אֶחָד מִמִּזְרָח הוּא וּצְבָאָיו עוֹלִים

              שָׁקַע אֶחָד בְּמַעֲרָב הוּא וּגְדוּדָיו עִמָּם שְׁפָלִים

              אֶל מָקוֹם אֶחָד מִתַּחַת הַשָּׁמַיִם

50            אַתָּה עָשִׂיתָ אֶת הַשָּׁמַיִם.

עָשִׂיתָ        כּוֹכָב קָבוּעַ וְגַלְגַּל חוֹזֵר מִמִּזְרָח לְמַעֲרָב

              נִמְצָא מִזְרָח בָּא לְמַעֲרָב וּמַעֲרָב לְמִּזְרָח יִקְרַב

              וְצָפוֹן וְדָרוֹם עוֹמְדִים בַּצָּפוֹן עֶגְלָה וּבַדָּרוֹם עַקְרָב

              מוֹסְדוֹת הַשָּׁמַיִם

55            אַתָּה עָשִׂיתָ אֶת הַשָּׁמַיִם.

עָשִׂיתָ        לֶכֶת שִׁבְעָה רְקִיעִים הֵם וּכְסִילֵיהֶם

              מִפְּאַת יָם לְקָדִים דֶּרֶךְ הֵנָּה פְנֵיהֶם

              לְמַלְּאֹת תְּקוּפָתָם מוֹצָאָם בְּאַרְבַּעַת זְמַנֵּיהֶם

              מִקְצֵה הַשָּׁמַיִם

60           אַתָּה עָשִׂיתָ אֶת הַשָּׁמַיִם.

עָשִׂיתָ        מְשֹׁל גַּלְגַּל הָעֶלְיוֹן בָּהֶם וּבְגַלְגַּלָּם

              לְכַוֵּן חֹק יוֹם וְלֵיל לִפְאַת מַעֲרָב מוֹשְׁכָם כֻּלָּם

              הֱיוֹתָם מִשְׁתַּחֲוִים לֵאלֹהֵי עוֹלָם

              כָּל צְבָא הַשָּׁמַיִם

65            אַתָּה עָשִׂיתָ אֶת הַשָּׁמַיִם.

עָשִׂיתָ        נוֹחַ רָאשֵׁי סְדָן הַגַּלְגַּל מִשְּׁנֵי צְדָדִים

              מִזֶּה מְקוֹם עָשׁ וּמִזֶּה כְסִיל עוֹמְדִים

              מְסַפְּרִים כְּבוֹד אֵל וּמִשְׁתַּחֲוִים וּמוֹדִים

              הָאֵל יְיָ בּוֹרֵא הַשָּׁמַיִם

70            אַתָּה עָשִׂיתָ אֶת הַשָּׁמַיִם.

עָשִׂית        סִדּוּר שִׁבְעָה מַעֲדַנּוֹת כִּימָה מִבַּיְתָהּ מְקֻשָּׁרִים

              וַחֲמִשָּׁה מוֹשְׁכוֹת כְּסִיל מִחוּצָה מְפֻתָּחִים וּמֻותָּרִים

              שְׁנֵים עָשָׂר סְבִיב הַגַּלְגַּל מְפָאֲרִים

              הַנּוֹטֶה כַּדּוֹק שָׁמַיִם

75            אַתָּה עָשִׂיתָ אֶת הַשָּׁמַיִם.

עָשִׂיתָ        עֹז הַתְּלִי מְהַלֵּךְ רֹאשׁוֹ אִטֵּר וּזְנָבוֹ נְכוֹחוֹ

              תִּקֵּן אֶמְצָעִיתוֹ בִשְׁנֵי תַּנִּינִים זֶה עַל זֶה בְּכוֹחוֹ

              חוֹלְלָה יָדוֹ נָחָשׁ בָּרִיחַ בְּרוּחוֹ

              שִׁפְרָה שָׁמַיִם

80            אַתָּה עָשִׂיתָ אֶת הַשָּׁמַיִם.

עָשִׂיתָ        פְּלָכִים מְחֻלָּקִים לִשְׁלֹשׁ מֵאוֹת וְשִׁשִּׁים חֲבָלִים

              הֵם הֵם מַעֲלוֹת הַנִּקְרָאִים חֲיָלִים

              מִדַּת כָּל חֵיל בָּאָרֶץ שִׁשָּׁה וְשִׁשִּׁים מִילִים

              הוֹדוֹ עַל אֶרֶץ וְשָׁמַיִם

85            אַתָּה עָשִׂיתָ אֶת הַשָּׁמַיִם.

עָשִׂיתָ        צֹהַר לְבָנָה מֵאוֹר חַמָּה יִמָּשֵׁךְ

              אַךְ בְּחוּלָה תַּחְתֶּיהָ אוֹרָה יֵחָשֵׁךְ

              וְהַשֶּׁמֶשׁ יֵהָפֵךְ לְחֹשֶׁךְ

              וְקַדְרוּת אַלְבִּישׁ שָׁמַיִם

90            אַתָּה עָשִׂיתָ אֶת הַשָּׁמַיִם

עָשִׂיתָ        קִשּׁוּר הַתְּלִי אֹפֶל עַל פְּנֵי סַהַר לְהָפֵץ

              וְצֵל אֲדָמָה מֵאוֹרוֹ מְזָרֶה וּמֵפֵץ

              לְהוֹדִיעַ כִּי כָל אֲשֶׁר חָפֵץ

              יְיָ עָשָׂה בַּשָּׁמַיִם

95            אַתָּה עָשִׂיתָ אֶת הַשָּׁמַיִם.

עָשִׂיתָ        רְצוֹנְךָ בְּאֵין עוֹצֵר וּמַכְלִים

              בְּשׂוּמְךָ כּוֹכְבֵי רוּם מֵהֶם כְּבֵדִים וּמֵהֶם קַלִּים

              עִתִּים מִשְׂתָּרְרִים וְעִתִּים הוֹלְכִים וְדַלִּים

              גָּבְהֵי שָׁמָיִם

100          אַתָּה עָשִׂיתָ אֶת הַשָּׁמַיִם.

עָשִׂיתָ        שַׁחַר עֵיפָה וְאוֹרוֹת כַּחֲשֵׁכָה חֲשׁוּבִים

              יוֹם תְּכַסֶּה נְהָרָה וְיוֹם מְלֻבָּשִׁים בְּעָבִים

              לְמַעַן יַחְפְּרוּ הַחוֹזִים בַּכּוֹכָבִים

              הוֹבְרֵי שָׁמַיִם

105          אַתָּה עָשִׂיתָ אֶת הַשָּׁמַיִם.

עָשִׂיתָ        תְּחִלַּת בְּרוּאֶיךָ בְּחֶפְצְךָ וְתַשְׁלִים

              וּמִי זֶה יְכַסֶּה גְּבוּרָתְךָ וּמַעֲלִים

              כִּי כָּל אֱלֹהֵי הָעַמִּים אֱלִילִים

              וֵאלֹהֵינוּ בַשָׁמַיִם

110          אַתָּה עָשִׂיתָ אֶת הַשָּׁמַיִם.