כח
לְךָ תֵּאוֹת תְּהִלָּה מוֹשֵׁל גֶּאֱיוֹנַי
וְלְךָ נָאֶה לְהוֹדוֹת בְּמֵיטַב הֶגְיוֹנַי
רַבּוֹת עָשִׂיתָ אַתָּה יְיָ.
יְמֵי חַיָּי אֱלֹהַי שְׂפָתַי יְשַׁבְּחוּנְךָ
5 וְעַל טוּבְךָ כִּי רַב סֶלָה יְבָרְכוּךָ
אֲשֶׁר עָשִׂיתָ גְּדוֹלוֹת אֱלֹהִים מִי כָמֹֹֹֹכָה.
צָרְכֵי יוֹם חֲסַרְתּוֹ וְחֹק טֶרֶף מְזוֹנַי
וְיוֹם לֹא אֶמְצָאָהּ בוֹ שִׁקּוּיֵי לְפָנַי
טוֹב עָשִׂיתָ עִם עַבְדְּךָ יְיָ.
10 חֱיוֹת נַפְשִׁי בְּעוֹדִי וְטוּבִי אֵין בְּיָדִי
וְאִם אִיגַע לְהוֹעִיל וְלֹא יוֹעִיל מְאוֹדִי
חַיִּים וָחֶסֶד עָשִׂיתָ עִמָּדִי.
קָצַר אוֹנִי וְכֹחִי וּמִשְׁרָתִי נְקַלָּה
וְיוֹם תַּגְדִּיל לְפִיךָ וְלֹא לְפִי הַפְּעוּלָּה
15 וּבְלִבֵּךְ עָשִׂיתָ אֶת כָּל הַגְּדֻוּלָּה.
גּוֹיִם לְךָ וְאִיִּים יְיַחֵלוּ וִיְקַוּו
וְגֹדֶל תַּעֲצוּמֶיךְ בְּאִיֵּיהֶם יְחַוּוּ
כָּל גּוֹיִם אֲשֶׁר עָשִׂיתָ יָבוֹאוּ וְיִשְׁתַּחֲווּ.
יְדוּעִים נַחֲלָתְךָ בְּצִלֵּךְ כִּסִּית
20 וְשׁוֹסֵיהֶם בְּטֶרֶם יְשׁוֹסוּם שָׁסִיתָ
מִשְׁפָּט וּצְדָקָה בְּיַעֲקֹב אַתָּה עָשִׂיתָ.
אֱמוּנָתְךָ וְגָדְלְךָ גְּלוּיִים לָעֵינַיִם
וּמִי יוּכַל לְהַסְתִּיר מְאוֹר יוֹם בְּחָפְנַיִם
אַתָּה עָשִׂיתָ אֶת הַשָּׁמַיִם.
25 תְּמוּנָתְךָ יְגַלּוּ פְּלָאִים הִפְלֵית
וּבַעֲשׂוֹתְךָ פְּעָלִים עֲצוּמִים נַעֲלֵיתָ
מַעֲשֶׂיךָ כֻּלָּם בְּחָכְמָה עָשִׂיתָ.
כאן (קובץ 8) מופיעה תמונה שניתן לזהות בה מילים בכתב רש"י.