לה

   יָד תַּתִּיר לְבֵן מַעְתִיר בְּבֵית קָדְשְׁךָ וּפָנִיתָ

   בְּנִי בְכֹרִי וּבְחִירִי שְׁמוֹ שַׂמְתָּ וְכִנִּיתָ

   תְּנָה עֵינְךָ עֲלֵי בִנְךְ בְּדִּין תִּפְקֹד וּמָנִית

   אֲדֹנָי עַד־יַעֲבֹר עַם־זוּ קָנִיתָ:

5    בְּעֵין לִבִּי וּמִקִרְבִּי אֱלֹהֵי עַצְ¹מְךָ אֶחֱזֶה

   וְכֵן אֵדַע מִמַּדַּע גָּדְלְךְ כִּי אֲנִי נִבְזֶה

   וּבַעַל בִּין בְּאֵין מֵבִין יְעִידְךָ מ²בְּלִי מַחֲזֶה

   כִּי תִשְׁכֹּן בְּאֵין מָכוֹן בְּכֵס נָכוֹן וְחָנִית:

   וּמָה־יֶּעֱרַב לְמֶלֶךְ רָב וְיִתְרַצֶּה וְיִתְקָרֵב

10    וּמָה־זֹּבֵד יְהִי עֹבֵד לְמוּל אָדוֹן וְיִתְעָרֵב

   וְהֵן חַסְדּוֹ יְֵשַו נֶגְדּוֹ כְּאוֹר יוֹם מ³בְּלִי עָרֶב

   וְלֹא יִפְנֶה בְּטוֹב יִשְׁנֶה לְךְ לִבִּי וְשָׁנִית:

   הַבִתְּהִלָּה וְחֵן מִלָּה הֲלֹא עַל־מַ⁴הֲלָל נַעֲלָה

   וְאִם אָרוּץ בְּהוֹן חָרוּץ הֵן לוֹ כָּל־יְקָר נִפְלָא

15    ומֵהוֹדוֹ וְטוֹב יָדוֹ יַד אִישׁ הוֹן וְטוֹב נִמְלָא

   אַךְ קֶרֶב בְּלִי סֶרֶב לְבַד תַּחְפֹּץ וְעָנִיתָ:

   לָךְ נַפְשִׁי וְטוּב רַחֲשִׁי אֵל אֶשְׁפֹּךְ לְפָנֵיךָ

   וְחִין אֶטֹּף כְּדַל יַעֲטֹף לִמְצֹא־חֵן בְּעֵינֶיךָ

   פְּנֵה אֵלַי וְחֹן עָלַי וְהָפֵק לִי רְצוֹנֶךָ

20    וְאַל תִּפְרֹץ וְאַל תַּהֲרֹס בִּנְיָן אֲשֶׁר בָּנִיתָ:

   רְצֵה סִדְרִי וְאֶשְׁכְּרִי יַעֲלֶה אֶל־מְעוֹנֶךָ

   וְיִתְקָרְבוּ וְיִתְעָרְבוּ יְלָדֶיךָ וּבָנֶיךָ

   בְּחִין קָרְבוּ בְּמָה־רַבּוּ מַעֲשֶׂיךָ וְאוֹנֶךָ

   וּבָם תִּרֶץ בְּחִין אֶרֶץ מָלְאָה קִנְ⁵יָנְךָ

25    וְיַדְבִּיקוּ וְיָפִיקוּ רְצוֹנֶךָ וּמַעֲנֶךָ

   בְּכַת קֹוַַיי וּבִרְצוּיַי עֲנֵה בָּאתָּ וְנִמְנֵיתָ: