סימן: אלף־בית
מז
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מָה אָשִׁיב עַל תּוֹכַחְתִּי
אֵיכָה בָשָׂר וָדָם / יַעֲמֹד פְּנֵי כָל קָדַם / מוֹכִיחַ אָדָם
בְּשׂוּמָם נֶגֶד פְּנֵיהֶם / צְפוּנֵי תַּעֲלוּמֵיהֶם / וַיּוֹכַח עֲלֵיהֶם
גְּמוּלָם יָקִים נוֹכַח / וְיִרְאֶה זָכוּר וְנִשְׁכַּח / אֱלֹהֵי אֲבוֹתֵימוֹ וַיּוֹכַח
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
135 דְּבֵקַת עָפָר שָׁחָה / נֶפֶשׁ לָדִין לֻקָּחָה / תִּהְיֶה בְיוֹם תּוֹכֵחָה
הֲלֹא בַחֲזוֹתָהּ פְתוּחוֹת / מְגִלּוֹת מְדַבְּרֵי צָחוֹת / אֵין בְּפִיהָ תּוֹכָחוֹת
וּבְעֵת מָרוֹם צָוְחָה / תִּקְרָא אַנְשֵׁי שׁוּחָה / לְכוּ נָא וְנִוָּכְחָה
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
זְמַן בָּא לִרְאוֹת יֶשַׁע / לְאִישׁ אֱמֶת וְעַל פֶּשַׁע / מוֹכִיחַ לָרָשָׁע
140 חַלְתִּי כִּי שָׁמַעְתִּי / גּוֹשׁוּ לָרִיב אִתִּי / שִׁמְעוּ נָא תוֹכַחְתִּי
טָמֹן חֵטְא מַצְפּוּנֶיךָ / אָז אֲגַלֶּה וְעַל פָּנֶיךָ / אוֹכִיחֲךָ וְאֶעֶרְכָה לְעֵינֶיךָ
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
יַד בְּדָמִים מִלֵּאתֶם / וּמֵעֲצָתִי נְטִיתֶם / וְתוֹכַחְתִּי לֹא אֲבִיתֶם
כַּמָּה אָטְמוּ תְנוּכָם / וְאָזְנָם מִבּוֹא בְתוֹכָם / הוֹכֵחַ לְחָכָם
145 לְכוּ נַעֲרֹךְ דִּינֵנוּ / לַמּוֹכִיחִים בֵּינֵינוּ / וְיוֹכִיחוּ בֵין שְׁנֵינוּ
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
מִי זֶה פִיהוּ יָרִים / לִפְנֵי דָן כָּל יְצוּרִים / וְהוֹכֵחַ בִּדְבָרִים
נַעֲנֶה אֵיכָה יִכּוֹן / לְעֻומַּת כָּל מָכוֹן / הוֹכֵחַ בְּדָבָר לֹא יִסְכֹּן
סִכְלֵי פְעָלִים הִשְׁחוּךְ / נַפְשִׁי וּבִשְׁאוֹל הִנְחוּךְ / וּמְשׁוּבוֹתַיִךְ תּוֹכִיחוּךְ
150 מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
עִמְדִי וְצַפִּי צִיגָתוֹ / וְעֵת לַמִּשְׁפָּט שִׁבְתּוֹ / אַל תָּקוֹץ בְּתוֹכַחְתּוֹ
פָּנָיו חַלִּי בְּשִׂיחַ / כִּי כָל נָע יָנִיחַ / אֲשֶׁר יֶאֱהַב יְיָ יוֹכִיחַ
צוּר הַנּוֹדָע בִּשְׁמוֹ / אֵיךְ אֱנוֹשׁ גָּבַר מוּמוֹ / יָשָׁר נוֹכַח עִמּוֹ
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי
155 קוֹרֵא בְּחִיל וְדַאֲבוֹן / בַּדִּין מְיַסֵּר כְּסִיל וְנָבוֹן / בְּתוֹכָחוֹת עַל עָוֹן
רְאֵה שִׂיחִי וּנְחֵנִי / בִּצְדָקָה וַהֲנִיחֵנִי / וְאַל בְּאַפְּךָ תּוֹכִיחֵנִי
תִּרְאֶה בְעָמְדִי נֶגְדֶּךָ / כִּי בְחַנּוֹתְךָ וְחַסְדֶּךָ / הוֹכַחְתָּ לְעַבְדֶּךָ
מְאֹד חַלְתִּי וְזָחַלְתִּי / לְתוֹכַחַת לֻקַּחְתִּי / מַה אָשִׁיב עַל תּוֹכַחְתִּי