ובכן אבוא אל־המלך
עט
אָבוֹא לִדְרשׁ סְלִיחָה בְלֵב טוֹב וְדוֹרְשֵׁי ה' לֹא־יַחְסְרוּ כָל־טוֹב
רָחַשׁ לִבִּי דָבָר טוֹב אוֹמֵר אֲנִי מַעֲשַׂי לְמֶלֶךְ.
נַפְשִׁי הֵסִירָה מַחְשְׁבוֹת אוֹנֶיהָ וַתִּפְשׁט בִּגְדֵי זְנוּנֶיהָ
5 וַתִּלְבַּשׁ מְעִיל תַּחֲנוּנֶיהָ כִּי כֵן תִּלְבַּשְׁנָה בְנוֹת־הַמֶּלֶךְ.
יָצְַקְתִּי כַמַּיִם לְבָבִי לִפְנֵי אֱלֹהֵי אָבִי
כִּי יָדַעְתִּי כִי יָדַע מַחֲשָׁבִי וְכָל דָּבָר לֹא־יִכָּחֵד מִן־הַמֶּלֶךְ.
צוֹעֲקִים לִפְנֵי אֲדוֹנֵיהֶם הַנּוֹאֲקִים עַל עֲוֹנֵיהֶם
וַאֲשֶׁר אֵין כֹּחַ בָּהֶם לַעֲמֹד בְּהֵיכַל הַמֶּלֶךְ.
10 חֲשֵׁכִים בְּמַחְשַׁךְ כִּסְלָתָם וַאֲפֵלִים בַּעֲלוֹת תְּהִלָּתָם
הָלְכוּ לְבֵית תְּפִלָּתָם בְּאוֹר פְּנֵי־מֶלֶךְ.
קָרַבְנוּ בְלֵב נִגָּשׁ וְנַעֲנָה וְשִׁבַּרְנוּ יִצְרֵנוּ לְחֵטְא מִתְאַוָּה
לָקַחְנוּ לִבֵּנוּ הַזּוֹנֶה וְלָנוּ הִסְגִּירוּ בְיַד הַמֶּלֶךְ.
בָּאוּ נְסוֹגִים בִּבְכִי וַעֲתִירָה לִהְיוֹת עֲלֵיהֶם לְסִתְרָה
15 וּלְמִי תָנוּסוּ לְעֶזְרָה אִם־תַּעֲלֶה חֲמַת הַמֶּלֶךְ.
נוּסוּ שָׁם בְּמָגוֹר וּפַחַד טֶרֶם בָּא הַשִּׁלּוּם לִמּוּד מִדָּה
וְתִקְרְבוּ לְיוֹם הַפְּקוּדָה אִם־תַּעֲלֶה חֲמַת הַמֶּלֶךְ.
יַשְּׁרוּ זְמָמֵי סֶלֶף בִּגְדֵיכֶם וְקִרְעוּ לְבַבְכֶם וְאַל־בִּגְדֵיכֶם
כִּי זֶה יִכְשַׁר בְּעֵינֵי אֱלֹהֵיכֶם וְכָשֵׁר הַדָּבָר בְּעֵינֵי הַמֶּלֶךְ.
20 הַלְהָרְגֵנִי רַעְיוֹנַי חֲשַׁבְתֶּם וְקָרָאתִי שׁוּבוּ וְלֹא שַׁבְתֶּם
אַתֶּם אוֹתִי הֲמִתֶּם וְחִיַּבְתֶּם אֶת־רֹאשִׁי לַמֶּלֶךְ.
וַאֲנִי שָׁדוּד מָה אֶעֱשֶׂה לְיִצְרִי אֵיךְ אֲבַקֵּשׁ מִלִּפְנֵי יוֹצְרִי
וּמָה אֲנִי מֶרִי מִבֵּית הַמֶּרִי שֶׁיָּבוֹא אַחֲרֵי הַמֶּלֶךְ.
דָּחָה אֵל וְסָלַח עָוֹן וַאֲשָׁמִים כִּי בְךָ חֲבָלַי נָפְלוּ בַנְעִימִים
25 וּבְאֵלֶּה עֲשֶׂרֶת הַיָּמִים וְכָשֵׁר הַדָּבָר לִפְנֵי הַמֶּלֶךְ.
הַשְׁלֵךְ אֱלִילָיו עַמִּי וְהִתְנֶחָם שָׁב מִדַּרְכּוֹ וְעַל הָרָע נִחָם
וּמוֹדֶה וְעוֹזֵב יְרֻוחָם כִּדְבָרְךָ אֲדוֹנִי הַמֶּלֶךְ.
חַזֵּק אֱלֹהֵי הַנִּרְפִּים בָּנֶיךָ הָקֵם מַרְאוֹת נְבִיאֹות חֶזְיוֹנֶיךָ
לְקַבֵּץ עוֹד פְּלֵיטַת בָּנֶיךָ וְאַתָּה הוּא לָהֶם לְמֶלֶךְ.