א"ב; יצח[ק]

פב

     אֲדֹנָי בִּדְבָרְךָ נִטָּיוּ שִׁבְעָה אֹהָלִים בְּלִי יְרִיעוֹת וִיתֵדוֹת וַחֲבָלִים

     מֵאַיִן גְּזַרְתָּם וּמֵאֶפֶס תְּלוּיִים גְּדֹלִים מַעֲשֵׂי אֲדֹנָי.

     אֲדֹנָי דְּבָרְךָ נִצָּב לַעֲשׂוֹת רְצוֹנֶךָ הַמּוֹתֵחַ רְקִיעִים לַחֲנוֹת עַל מַחֲנֶיךָ

     וַעֲלֵיהֶם מְכוֹן שִׁבְתְּךָ וּמְעוֹנֶיךָ פָּעַלְתָּ אֲדֹנָי.

5    אֲדֹנָי זִמַּנְתָּ שַׁלְהֶבֶת וּבָרָד חִבַּרְתָּם וְאֶחָד מִשְׂפָתָם לֹא נִפְרָד

     טְרַפְתֶּם יַחַד וּמֵהֶם מָשׁ זְבוּל וְנִגְרָד מַה־גָּדְלוּ מַעֲשֶׂיךָ אֲדֹנָי.

     אֲדֹנָי יָעַצְתָּ לְהַרְאוֹת נִכְלָאִים כַּלּוֹת מֵאַיִן וְכָל מַעֲשֵׂיהֶם נִפְלָאִים

     לְפִי דְבָרְךָ עָמְדוּ כֻלָּם מְלֵאִים כֹּל אֲשֶׁר־חָפֵץ אֲדֹנָי.

     אֲדֹנָי מְעוֹנְךָ כָּרִאשׁוֹן נִכְלָל נִגְמַר בְּלָבָן וְאָדֹם וּתְכֵלֶת נִתְלָל

10    שִׂיחַ הָיָה בָאָרֶץ נִגְבָּל וְיוֹדוּ שָׁמַיִם פִּלְאֲךָ אֲדֹנָי.

     אֲדֹנָי עִטֵּר שִׁבְעָה כּוֹכָבִים וּשְׁנֵים עָשָׂר מַזָּלוֹת

     פִּלַגְתָּ בִּרְקִיעִים שָׁמֶיךָ וְחָצַבְתָּ גְּבוּלוֹת

     צָבְאוּ צָבָא וְרַבּוּ חֲיָלוֹת לִקְרֹא כֻלָּם בְּשֵׁם אֲדֹנָי.

     אֲדֹנָי קֶדֶם וְאָחוֹר שַׂמְתָּם מִיָּם לְמִזְרָח דֶּרֶךְ

     בִּמְעוֹנֶיךָ רַבִּים קָדְשְׁךָ מְהְַּלִלים

15    מִשְׁתַּחֲוִים לְפָנֶיךָ וּלְשִׁמְךָ מְגַדְּלִים מְהֻלָּל שֵׁם אֲדֹנָי.

     אֲדֹנָי תֻּכּוּ לְרַגְלֶךָ גָּבְהֵי מְעוֹנִים מִשְׂתּוֹרְרִים עֲלֵיהֶם עוֹלִים וּמַזְהִירִים

     לִזְמַנִּים חָשִׁים וְיוֹרְדִים וּבַחֹשֶׁךְ שׁוֹכְנִים וְאַתָּה מָרוֹם לְעֹלָם אֲדֹנָי.

     אֲדֹנָי אוֹמֵר וְעוֹשֶׂה וְאֵין מֵפֵר יִמְחֶה פִשְׁעֵי רוּחַ עָפָר וָאֵפֶר

     צִיץ וְחָצִיר בְּהִשָּׁפְטָם יִמְצְאוּ כֹפֶר לְמַעַן יְזַמֶּרְךָ כָבוֹד וְלֹא יִדֹּם אֲדֹנָי.

     גְּדוֹלִים מַעֲשֵׂי אֲדֹנָי.