וְיוֹסֵף עוֹדֶנוּ עָצוּר בְּבֵית הָאֲסוּרִים אֲשֶר הוֹשִיבוּהוּ שָם שוֹפְטֵי פּוֹטִיפַר. וּבָעֵת הַהִיא חָטְאוּ לְפַרְעֹה מֶלֶךְ מִצְרָיִם שְנֵי שָׂרָיו, שַׂר הַמַשְקִים וְשַׂר הָאוֹפִים. כִּי פַעַם בְּעָמְדָם לִפְנֵי מַלְכָּם וְשָׂרָיו וַיַגֵש שַׂר הַמַשְקִים לְפַרְעֹה אֶת כּוֹס יֵינוֹ וְשַׂר הָאוֹפִיםשָׂם לְפָנָיו אֶת לַחְמוֹ, וְהִנֵה נִמְצְאוּ זְבוּבִים בַּיַיִן וְאַבְנֵי נֶתֶר בְּתוֹךְ הַלָחֶם. וַיִקְצֹף עֲלֵיהֶם פַּרְעֹה וַיִתְּנֵם בְּבֵית הַסֹהַר אֲשֶר יוֹסֵף הָיָה עָצוּר שָם. וַיַפְקֵד שַׂר בֵּית הַסֹהַר אֶת יוֹסֵף כִּי יְשָרֵת אֶת שַׂר הַמַשְקִים וְאֶת שַׂר הָאוֹפִים. וַיְהִי מִקֵץ שָנָה תְמִימָה לְשֶבֶת שָׂרֵי פַּרְעֹה בְּבֵית הַסֹהַר וַיַחַלְמוּ שְנֵיהֶם חֲלוֹם בְּלַיְלָה אֶחָד. וַיְהִי בַּבֹּקֶר וַיָבֹא אֲלֵיהֶם יוֹסֵף וַיַרְא וְהִנָם זוֹעֲפִים מְאֹד, וַיִשְאָלֵם: מַדוּעַ פְּנֵיכֶם רָעִים וַעֲצוּבִים הַיוֹם? – וַיְסַפֵּר שַׂר הַמַשְקִים אֶת חֲלוֹמוֹ לְיוֹסֵף וַיאֹמֵר: בַּחֲלוֹמִי וְהִנֵה גֶפֶן גְדוֹלָה לְפָנַי וּבַגֶפֶן שְלֹשָה שָרִיגִים וַיַבְשִילוּ אַשְכְּלוֹתֶיהָ עֲנָבִים, וָאֶשְחַט אֶת הָעֲנָבִים לְיַיִן וָאֶתֵּן כּוֹס יַיִן עַל כַּף פַּרְעֹה וַיֵשְתְּ מִמֶנָה. וַיִפְתֹר יוֹסֵף לשַׂר הַמַשְקִים אֶת חֲלוֹמוֹ לֵאמֹר: שְלֹשֶת הַשָׂרִיגִים שְלֹשֶת יָמִיםֵ הם; וּבְעוֹד ג' יָמִים יְצַוֶה הַמֶלֶךְ לַהֲשִיבְךָ עַל כַּנֶךָ. וְאֶמְצָא נָא חֵן בְּעֵינֶיךָ אֲשֶר תִּזְכְּרֵנִי אֶל פַּרְעֹה וְהוֹצֵאתַנִי מִן הַמָקוֹם הַזֶה. – כִּשְמֹעַ שַׂר הַמַשְקִים אֶת פִּתְרוֹן הַחֲלוֹם וַיִשְׂמַח מְאֹד וַיַבְטַח אֶת יוֹסֵף כִּי עָשׂה יַעֲשֶׂה אֶת בַּקָשָתוֹ כַּאֲשֶר יֵיטִיב לוֹ הַמֶלֶךְ וְהוֹצִיא יוֹצִיא גַם אוֹתוֹ מִבֵּית הַסֹהַר. וַיִשְמַע שַׂר הָאוֹפִיםאֶת הַפִּתְרוֹן הַטוֹב וַיאֹמֶר לְיוֹסֵף: גַם אֲנִי בַחֲלוֹמִי: וְהִנֵה ג' סַלִים עַל רֹאשִי, וּבַסַל הָעֶלְיוֹן מִכָּל מַאֲכַל פַּרְעֹה וְהָעוֹף אוֹכֵל אוֹתוֹ מֵעַל רֹאשִי. וַיַעַן יוֹסֵף: ג' הַסַלִים ג' יָמִים הֵם, וּבְעוֹד שְלֹשֶת יָמִים יִשָׂא פַּרְעֹה אֶת רֹאשְךָ מֵעָלֶיךָ וְתָלְךָ עַל עֵץ, וְהָעוֹף יאֹכַל אֶת בְּשָׂרְךָ כַּאֲשֶר חָלָמְתָּ. – וּבָעֵת הַהִיא יָלְדָה אֵשֶת הַמֶלֶךְ בֵּן, וַיְהִי בַּיוֹם הַשְלִישִי לְלִדְתָּהּ וַיַעַשׂ פַּרְעֹה מִשְתֶּה לְכָל שָׂרָיו וַעֲבָדָיו חֵיל אֶרֶץ צֹעַן וּמִצְרָיִם. וַיָשֶב אֶת שַׂר הַמַשְקִים עַל כַּנוֹ וְאֶת שַׂר הָאוֹפִים תָּלָה, כַּאֲשֶר פָּתַר יוֹסֵף. וְלֹא זָכַר שַׂר הַמַשְקִים אֶת בַּקָשַת יוֹסֵף וַיִשְכַּח אֶת הַבְטָחָתוֹ אֲשֶר הִבְטִיחָהוּ. וַיֵשֶב יוֹסֵף בְּבֵית הַסֹהַר עוֹד שְנָתַיִם יָמִים עַד מְלאֹת לוֹ כ' שנה, יַעַן כִּי בָטַח בָּאָדָם וְלֹא בְּעֶזְרַת ה'.