לוגו
רשות לנשמת (?)
פרק:
מיקום ביצירה:
0%
X
F
U

אֱלֹהַי, חֲקַרְתַּנִי וַתֵּדַע מְזִמָּתִי

וְרֵעִי לְמֵרָחוֹק וְשִׁבְתִּי וְקִימָתִי.

בַּנְתָּ כָּל תְּכוּנָתִי וְאָרְחִי וְרִבְעִי אַתְּ

זֵרִיתָ, וְהִסְכַּנְתָּ דְּרָכַי לֹא בְּעָצְמָתִי.

רָאִיתָ דְבַר לִבִּי בְּטֶרֶם קְצֵה מִלָּה

בִלְשׁוֹנִי, וְיָדַעְתָּ אַחְרִיתִי וְתֻמָּתִי.

הֵן קֶדֶם וְהֵן אָחוֹר צַרְתַּנִי וְעַל רֹאשִׁי

שַׁתָּ כַּף יְמִינְךָ, וְיָדְךָ בְּאַדְמָתִי.

מָלֵאתָ שְׁמֵי שַׁחַק וְאַחְרִית יָם,

אָן מֵרוּחֲךָ אֵלֵךְ – וְשָׁם אַתָּה לְעֻמָּתִי?

חֹשֶׁךְ לֹא יְשׁוּפֵנִי, כִּי אֵין מִמְּךָ יַחְשִׁיךְ,

וְאַתָּה אֲשֶׁר תּוֹצִיא לָאוֹר תַּעֲלֻמָּתִי

הֵן קֶדֶם קְנִיתַנִי וּבַבֶּטֶן תְּסֻכֵּנִי

וְתַעַשׂ בְּתַחְתִּיּוֹת אֶת עָצְמִי וְרִקְמָתִי.

גָּלְמִי רָאֲתָה עֵינְךָ וְעַל סִפְרְךָ כֻּלָּם

יִכָּתְבוּ, וְלֹא אֶחָד מֵהֶם אָז בְּקַדְמָתִי.

וְלִי יָקְרוּ לִמְאֹד רֵעֶיךָ וּמֶה עָצְמוּ

רָאשֵׁיהֶם, וּמַה נִּבְעַר כָּל דַּעְתִּי וְחָכְמָתִי.

אוֹדְךָ עַל פְּלָאֶיךָ, אוֹדְךָ עַל חֲסָדֶיךָ,

בְּךָ מַעֲמַד גְּוִיָּתִי, לְךָ רוּחִי וְנִשְׁמָתִי!