אֱלֹהַי, אַל תְּרַחֲמֵנִי וּלְנִדְבַת פִּי אַל תָּשִׂים אָזְנְךָ
כִּי מִשִּׁבְטְךָ יָרֵאתִי וּלְקוֹל תְּבוּנָתְךָ לֹא נִשְׁמְעָה רַגְלִי
כִּי הָיִיתִי כְּעָלֶה נִרְקָב וְיִלְלַת סְתָו בְּלִבִּי נָשָׂאתִי
בִּזְרֹחַ חֶסֶד אוֹרְךָ עַל תֵּבֵל וּמְלוֹאָהּ;
רְאֵה, אֱלֹהַי, כִּי לֹא לְצִפּוֹר דָּמִיתִי
הַשּׁוֹקְדָה בְּדוּמִיָּה רְאוֹת נֵץ שֶׁמֶשׁ רִאשׁוֹן
כִּי כְּמוֹ קוּר פּוֹרֵחַ אֶת נַפְשִׁי לָרוּחוֹת מָסַרְתִּי
וּלְבוֹר בֶּהָלוֹת שָׁקַעְתִּי סֶלָה:
אַל תְּחֻנֵּנִי, אֵלִי, אַל תְּחֻנֵּנִי כִּי בְּרָב רַחֲמֶיךָ אֶתְרַשֵּׁל
כִּי שַׁבַּת נֶצַח הָיוּ יָמַי וּשְׁמִיטַת עוֹלָם נִקְדְשָׁה עַל נַפְשִׁי
עַד כִּי כְּלָבִים הֶעֱמַדְתִּי לִשְׁמֹר לִי עַל פִּתְחֵי כָּל אֲסָמַי
וְעַל שַׁעֲרֵי כָּל עָשְׁרִי עַרְעָרִים צָבָאוּ:
לָכֵן אֶת אִשְּׁךָ שְׁלַח אֶל לִבִּי וְאֶת עַצְמוֹתַי תְּבַעֵר
תִּסְלֹד מִשְּׂרֵפַת זַעַמְךָ נִשְׁמָתִי
עִם בֹּקֶר דְּמָעַי כְּרִנַּת שַׁחַר יִזֹּלוּ
וְלִשְׁעַת עֶרֶב בֵּין עֳפָאִים כְּאֶפְרוֹחַ אֱלֵי אִמּוֹ אֶשְׁלְחָה גַעְגּוּעַי
אֵלֶיךָ, אֱלֹהִים, אֵלֶיךָ וְאֶל עָנְשְׁךָ וְלִקְשִׁי יָדֶךָ
עַד יֵעוֹר כַּמִּזְרָח לִבִּי עַד יִתְנַעֵר רֹאשִׁי אֶל גִּבְעוֹת חַסְדֶךָ:
תרצ"ו