עַל-מוּת לַבֵּן

אֲבִי הַבֵּן קְרַב לִסְפֹּד, כִּי אֵל מִמְּךָ רִחַק

אֶת־בִּנְךָ אֶת־יְחִידְךָ אֲשֶׁר אָהַבְתָּ, אֶת יִצְחָק!

אֲנִי הַגֶּבֶר רָאָה שֶׁבֶר, וּמְשׂוּשׂוּ גָלָה,

הָהּ, פֻּקַּדְתִּי פְּרִי בִטְנִי וְעַל־לִבִּי לֹא עָלָה,

כִּי־חָשַׁבְתִּי לְעֵת זִקְנָה הֱיוֹתוֹ לְרֶוַח וְהַצָּלָה!

אַךְ לָרִיק יָגַעְתִּי וְיָלַדְתִּי לַבֶּהָלָה,

כִּי־אֵיךְ יִשְׂמַח לִבִּי – וַיִּגְוַע וַיָּמָת יִצְחָק!

בָּכֹה אֶבְכֶּה בְּכָל־רֶגַע וְאֶשָּׂא נְהִי נִהְיָה,

בְּזָכְרִי זֶה שָׁלֹשׁ שָׁנִים מוֹתוֹ בְּאֶרֶץ נָכְרִיָּה –

וְצֵאתוֹ מִמָּקוֹם לְמָקוֹם, וְנַפְשִׁי עָלָיו הֹמִיָּה,

עַד־שֶׁהֲבֵאתִיו אֶל־בֵּיתִי לַיְלָה וְיוֹמָם בּוֹכִיָה;

כַּמָּה תְלָאוֹת מְצָאוּנִי – וְאֵלֶּה תּוֹלְדוֹת יִצְחָק!

רֵעִי, הַרְפֵּה מִמֶּנִּי, אִם־תְּנַחֲמֵנִי – תְּנִיעֵנִי,

מַחְמַל נַפְשִׁי אַל־תִּזְכֹּר וּשְׁמוֹ אַל־תַּשְׁמִיעֵנִי,

גַּחַלְתִּי אֲשֶׁר נִשְׁאֲרָה־לִי כִּבָּה זְמָן – וְאִם יְרוֹעֵנִי!

שִׁמֲמוֹת עוֹלָם הֱשִׁמַּנִי וַיִּקַּח מַחְמַד עֵינִי,

כָּלָה שְׁאֵרִי וּלְבָבִי – כַּאֲשֶׁר כִּלָּה יִצְחָק!

מָעוֹן, אֲשֶׁר הַכֹּל בְּיָדוֹ, וְחֶפְצוֹ עֹשֶׂה בְּכָל־יְצוּרָיו,

דַּבֵּר עֲלֵי־לֵב אָב נִכְאָב, יָרֵא שִׁמְךָ מִנְּעֻרָיו,

רוּחַ תַּנְחוּמִים עוֹרֵר עָלָיו, וְיַעֲבֹר בֵּין בְּתָרָיו,

הוֹרֵה חֲמוּדוֹ יִרְאָתְךָ, לָלֶכֶת בְּדֶרֶךְ הוֹרָיו,

עוֹדֶנּוּ נַעַר אֹתָהּ הֹכַחְתָּ לְעַבְדְּךָ לְיִצְחָק!