10

לזכר עולם יעמוד שמו, וצדקתו עד בלי־ירח!

בְּאֶרֶץ־חַיִּים כְּאַחַד הַקְּדוֹשִׁים אִתָּנוּ הִתְהַלַּכְתָּ

וּבְאֶרֶץ חֶמְדָה וּקְדוֹשָׁה גְּדֹלוֹת וּנְצֻרוֹת עָשִׂיתָ,

בְּעַד חַיֵּי עַם קָדוֹשׁ אֶת־חַיֶּיךָ מִנֶּגֶד הִשְׁלַכְתָּ

וּלְתוֹרַת אֵל־חַי עַל־הָרֵי קֹדֶשׁ אָהֳלֵי־שֵׁם בָּנִיתָ;

צִדְקַת יְשֻׁרוּן וּמִקְדָּשָׁיו לְעֵין עַמֵּי הָאָרֶץ הוֹכַחְתָּ

וְשֵׁם טוֹב מִבָּנִים וּמִבָּנוֹת בְּצִדְקָתְךָ לְךָ קָנִיתָ;

בְּמַעְגְּלֵי אַחַר אֲבוֹת הַקֹּדֶשׁ אֲשׁוּרֶיךָ תָמַכְתָּ

עַל־יַד יְהוּדִית רַעְיָתְךָ בַּחַיִּים לְךָ קֶבֶר כָּרִיתָ,

וְכְאַחַד שַׂרְפֵי־קֹדֶשׁ אֶל־אַרְצוֹת הַחַיִּים דָּרַכְתָּ

לְהִתְהַלֵּךְ לִפְנֵי יְיָ אֶל־קֹדֶשׁ הַקֳּדָשִׁים עָלִיתָ!