16

וּמֶה־קוֹל הַצֹּאן הַזֶּה בְּאָזְנָי? (ש“א ט”ו י"ד)

אַךְ גִּילַת וְרַנֵּן בְּכָל־אַרְבַּע פִּנּוֹת בֵּית־הַתְפִלָּה

יָשִׂישׂוּ גַּם־יַעַלְזוּ יַחַד כָּל־בְּנֵי הַקְּהִלָּה,

חֶדְוַת־קֹדֶשׁ עַל־כָּל־פָּנִים כַּשֶּׁמֶשׁ זֹרָחַת;

לֹא בְקוֹל עֲנוֹת גְּבוּרָה וָעֹז יַצְרִיחוּ אַף־יָרִיעוּ

לֹא כְשׁוּבֵי מִלְחָמָה קוֹל רִנָּה וְצָהֳלָה יַשְׁמִיעוּ –

שִׂמְחַת־תּוֹרָה תַּרְנִין לִבָּם, תִּמְלָאֵמוֹ נָחַת!

עִם־סִפְרֵי הַתּוֹרָה הַמְחֻשָּׁקִים בַּעֲדִי עֲדָיִים

כְּבָר אֶת־הַבָּמָה הִקִּיפוּ סָבִיב שִׁבְעָתָיִם

וּנְעָרִים עִם־דִּגְלֵיהֶם אַחֲרֵיהֶם בַּסָּךְ עָבָרוּ;

גַּם־יְלָדִים רַכִּים וּקְטַנִּים נְשֻׂאִים עַל־כַּפָּיִם

לְבַעֲבוּר יַאֲצִילוּ לַתּוֹרָה נְשִׁיקוֹת שְׂפָתָיִם

בְּתוֹכֵכִי הָמוֹן חוֹגֵג שָׁמָּה לֹא נֶעְדָּרוּ…

הַגַּבָּאִים בְּיַד־נְדִיבָה לַנְּעָרִים חִלְּקוּ מָנוֹת

תַּפּוּחִים וֶאֱגוֹזִים, מַמְתַּקִּים וּמִגְדָּנוֹת,

וַיֵּשְׁתְּ הָעָם מִן־הַמְשַׂמֵּחַ אֱלֹהִים אֲנָשִׁים;

וְהִנֵּה זֶה אִישׁ מִדּוֹת פִּתְאֹם, כְּטוֹב לִבּוֹ בַיָּיִן

אֶל־לַהֲקַת נְעָרִים פָּנָה וַיִּקְרֹץ לָהֶם עָיִן

וּבְקוֹל אַדִּיר וְחָזָק קָרָא: צֹאן קָדָשִׁים!!!

אֶל־מוּל פְּנֵי הַקּוֹרֵא כְּמוֹ־רֶגַע פְּנֵיהֶם כּוֹנָנוּ

מֶה, מֶה! מֶה, מֶה! כֻּלָּם יַחַד פֶּה־אֶחָד עָנוּ

וַיָּנֻעוּ אַמּוֹת הַסִּפִּים מֵהֶמְיַת קוֹלָם;

אוֹ אָז קְרִיאַת צֹאן קָדָשִׁים רָעֲמָה מִכָּל־עֲבָרִים

וּצְלִיל קוֹל מֶה! מֶה! הָמָה אַחֲרֶיהָ כְּהֵד הָרִים

כִּי רָעֲשׁוּ כָל־הַבַּחוּרִים לְמִקְטַנָּם וְעַד־גְּדוֹלָם.

גַּם בִּרְחֹבוֹת קִרְיָה מִקְּרֹא בְגָרוֹן לֹא־חָשָׂכוּ

עַד־שׁוּבָם לְבֵיתָם שְׁאוֹנָם וַהֲמוֹנָם לֹא־שָׁכָכוּ

שָׁם עֲיֵפִים וִיגִיעֵי כֹחַ מָצְאוּ לְנַפְשָׁם מַרְגּוֹעַ;

אֶפֶס נַפְשִׁי לֹא נָחָה, הַשְׁקֵט לֹא יוּכַל לְבָבִי

כִּי בַלַּיְלָה הוּא גַּם־בִּתְנוּמוֹת עַל־מִשְׁכָּבִי

אַךְ קוֹל הֲמֻלַּת מֶה! מֶה! מֶה! הֶאֱמַנְתִּי לִשְׁמוֹעַ:

"מֶה עָשָׂה יַעֲקֹב כִּי צָרָיו עָלָיו עָקֵב יַגְדִּילוּ?

מֶה חָטָא יִשְׂרָאֵל כִּי לְרָעָה אוֹתוֹ הִבְדִּילוּ?

מֶה חֳרִי הָאַף הַגָּדוֹל הַזֶּה עַל־כֻּלָּנוּ?

מֶה עָוֶל מָצְאוּ בְּעַם נוֹצֵר תּוֹרַת תֹּם וָצֶדֶק?

עַל־מֶה יְתַעֲבוּהוּ יְרַחְקוּהוּ כְּקוֹץ מוּנָד וָחֶדֶק?

עַל־מֶה נִאֵץ רָשָׁע בְּנֵי־שֵׁם?… הָהּ מֶה־הָיָה לָנוּ!!"

וּלְמִנִּי אָז מִדֵּי עֶדְרֵי צֹאן עֵינַי תֶּחֱזֶינָה

לְקוֹל תִּתָּם מֶה! מֶה! מֶה! כְּרֶגַע אָזְנַי תְּצִלֶּינָה

קוֹל זֶה יוֹרֵד חַדְרֵי בִטְנִי, סְגוֹר לִבִּי קוֹרֵעַ;

מִקּוֹל זֶה יֵעוֹר רוּחִי, כָּל־קְרָבַי יֶהֱמָיוּ

וּבְיוֹם אֶשְׁמַע קוֹל זֶה רַעֲיוֹנַי בַּל יִשְׁלָיוּ –

וּכְמוֹ אֶנְקַת עַמִּי, עַם־עוֹלָם, אָנֹכִי שׁוֹמֵעַ!…