שְׁבִיָּה בַּת צִיּוֹן צְרוּפָה בְכוּר עֹנִי

שְׁבוּעַת אֲבוֹתַיִךְ נִשְׁבַּעְתִּי לְמַעֲנִי

שַׁוְעָתֵךְ נִשְׁמְעָה עָלְתָה לִמְעוֹנִי / שָׁמַעְתִּי כִּי חַנּוּן אָנִי

שַׁחוֹתִי לִמְאֹד יָדִי כִּי אֵין לְאֵל

שִׁמְךָ טוֹב וְסַלָּח נִדְרָשׁ לְכָל שׁוֹאֵל

שׁוּבָה כִּי אֵין לִי זוּלָתְךָ גוֹאֵל / שׁוּבָה יְיָ רִבְבוֹת אַלְפֵי יִשְׂרָאֵל

לְמִי אֵפוֹא מְכַרְתִּיךְ יָבוֹא אִישׁ רִיבֵךְ

לְמִי סֵפֶר כְּרִיתוּת אָרִיב אֶת יְרִיבֵךְ

לְמִגְדַּל אֵשׁ וְחוֹמָה אֲנִי אֶהְיֶה סְבִיבֵךְ / לָמֶה תִבְכִּי וְלָמֶה יֵרַע לְבָבֵךְ

לָמָה אֶצְעָקָה חָמָס וְלֹא תַעֲנֶה

לְהַשְׁמִיד וּלְאַבֵּד יֹאמַר הַמּוֹנֶה

לְזָרִים נִמְכַּרְנוּ יַחַד עֵר וְעוֹנֶה / לַעֲבָדִים וְלִשְׁפָחוֹת וְאֵין קוֹנֶה

מִי אַתְּ וַתִּירְאִי מֵאֱנוֹשׁ הַבּוֹזֶה

מַלְאָכִי אֶשְׁלַח כְּמִכְתַּב הַחוֹזֶה

מְזָרֵה יִשְׂרָאֵל אֱסֹף מִזֶּה וּמִזֶּה / מָחָר יִהְיֶה הָאוֹת הַזֶּה

מוֹעֵד שַׂמְתָּ לִי לְקַבֵּץ שָׁלִישַׁי

מוֹפֵת לֹא אֶרְאֶה לְקוֹמֵם מִקְדָּשַׁי

מַשְׁמִיעַ שָׁלוֹם לֹא בָא לִקְדוֹשַׁי / מַדּוּעַ לֹא בָא בֶּן יִשָׁי

הֵן בִּי נִשְׁבַּעְתִּי לֶאֱסֹף נִכְבָּשַׁי

הֲלֹא אָז הַמְּלָכִים לָךְ יוֹבִילוּ שַׁי

הִנֵּה עֵד לְאֻמִּים שַׂמְתִּי לִקְדוֹשַׁי / הִנֵּה רָאִיתִי בֵּן לְיִשָׁי