יְדִידִי, נַהֲלֵנִי עַל גְּפָנִים

וְהַשְׁקֵנִי וְאֶמְצָא שְׂשׂונִים

וְכוֹסוֹת אַהֲבָתְךָ יִדְבְּקוּן בִּי

וְאוּלַי אָז יְנוּסוּן הַיְגוֹנִים.

וְאִם תִּשְׁתֶּה בְּאַהֲבָתִי שְׁמוֹנֶה

אֲנִי אֶשְׁתֶּה בְּאַהְבָתְךָ שְׁמוֹנִים.

וְאִם אָמוּת לְפָנֶיךָ יְדִידִי,

חֲצֹב קִבְרִי בְּשָׁרְשֵׁי הַגְּפָנִים

וְשִׂים רַחְצִי בְּמֵימֵי הָעֲנָבִים

וְחָנְטֵנִי בְּחַרְצַנִּים וְזַנִּים

וְאַל תִּבְכֶּה וְאַל תָּנוּד לְמוֹתִי

עֲשֵׂה כִנּוֹר וְעוּגָבִים וּמִנִּים

וְאַל תָּשִׂים עֲלֵי קִבְרִי עֲפָרִים

אֲבָל כַּדִּים חֲדָשִׁים עִם יְשָׁנִים.