בְּעוֹד שַׁדַּי עִמָּדִי

כֶּסֶף לָרֹב בְּיָדִי

כָּל אַחַי וְרֵעַי

קְרוֹבַי וּמְיֻדָּעַי

בְּאֵימָה וָפַחַד

הִקִּיפוּנִי יַחַד

לְרַגְלַי יִרְבָּצוּן

קִרְבָתִי יֶחְפָּצוּן

יִשְׁתַּחֲווּ יִכְרָעוּ

אַהֲבָה נִשְׁבָּעוּ

וּבְחֵלֶק שְׂפָתָם

גֹּדֶל חִבָּתָם

יְדַבְּרוּ יַבִּיעוּ

אֵלַי יַשְׁמִיעוּ

חָכְמָתִי יְפָאֵרוּ

וְלַכֹּל יְסַפֵּרוּ

אֵין חָכָם כָּמֹנִי

כָּל רְכוּשִׁי וְהוֹנִי

לֹא בְּחַרְבִּי וּבְקַשְׁתִּי

אַךְ בְּחָכְמָה רָכַשְׁתִּי

אַף כִּי אֲנִי יָדַעְתִּי

הַרְבֵּה לֹא יָגַעְתִּי

גַּם לֹא בְתַחְבֻּלָה

עָשִׂיתִי הַגְּדוּלָּה

וְלֹא מֵחָכְמָה וְדֵעַ

עָשְׁרִי נוֹבֵעַ

וְכִי גַם לִפְתָאִים

שַׂקִּים מְמֻלָּאִים.

עַתָּה אָבַד חֵילִי

כִּי יִסַּרְתַּנִי אֵלִי

כְּקוֹץ אֲנִי בְּעֵינֵיהֶם

פָּנוּ הֵם לְדַרְכֵיהֶם

וְהַיּוֹם אַחֲרֵי בְלֹתִי

אֵין מַכִּיר אוֹתִי

חָלְפוּ הָלָכוּ

וְכַצֵּל בָּרָחוּ

לְנַפְשִׁי אֵין דּוֹרֵשׁ

"אֵיךְ אַחֲלֵּל כְּבוֹדִי

תִּפְאַרְתִּי וְהוֹדִי

עִם סָכָל לְדַבֵּר

אֵלָיו לְהִתְחַבֵּר"

וְאָנֹכִי לֹא שָׁנִיתִי

מֵאֲשֶׁר הָיִיתִי

מֶה עָוֶל מָצָאוּ

כִּי נָדוּ גַּם נָעוּ

הֲלֹא בְּאָבְדַן הוֹנִי

בְּלִי חֶפְצִי וּרְצוֹנִי

חָכְמָה לִי עָמָדָה

מִמְּקוֹמָה לֹא נָדָה?

זֶה דֶּרֶךְ בְּנֵי אָדָם

רַק לְפִי אֲשֶׁר בְּיָדָם

יַעַרְכוּ הָאֲנָשִׁים

וְאַךְ אָז לָמוֹ נִגָּשִׁים

אִם כֶּסֶף מְמֻלָּאִים

וְאִם רֵיקָם נִמְצָאִים

צֵא טָמֵא יִקְרָאוּ

בְּחֶבְרָתָם לֹא בָאוּ

הוּא שֶׁקֶץ בְּעֵינֵיהֶם

כֶּסֶף אֱלֹהֵיהֶם

לְכֶסֶף יִסְגֹּדוּ

וְלַזָּהָב יִקֹּדוּ

מֵאָדָם בָּרָחוּ

לְמַסֵּכָה נִדָּחוּ

וְאָדָם חַי הִנֵּהוּ

לְמֵת יַחְשְׁבֵהוּ

לֹא יִקְרַב לְאָהֳלוֹ

וְלֹא יֵחַד בִּקְהָלוֹ.

אְַך לוּ הוֹאִילוּ

לוּ חָכְמָה יַשְׂכִּילוּ

כִּי כַסְפָּם וּזְהָבָם

אַךְ יַשְׁחִית לְבָבָם

וְכִרְבוֹת עָשְׁרָם

כֵּן יִמְעַט יָשְׁרָם

וְאַךְ מָשְׁחָת בְּמַקְהֵלָם

אִם יַרְבֶּה חֵילָם

אָז יַשְׁלִיךְ אִישׁ זְהָבוֹ

יִשְׂנָאֵהוּ בִּלְבָבוֹ

שַׁקֵּץ יְשַׁקְּצֶנּוּ

לְבֵיתוֹ לֹא יְבִיאֶנּוּ

יְקַנֵּא הַדַּל בְּיָשְׁרוֹ

מֵהֶעָשִׁיר בְּעָשְׁרוֹ

כִּי טוֹב פַּת חֲרֵבָה

מִלֶּחֶם תּוֹעֵבָה

הֲרִמֹתִי יָדִי

כִּי כֵן עִמָּדִי

עָפָר אֲלַחֵכָה

וְלֹא אֶסְגֹּד לְמַסֵּכָה.