ולה ירתי אבאה ז"ל  

ולו עוד יקונן על אביו.

— — È — / — — È — / — — È — // — — È — / — — È — / — — —

עַל-הַשְּׁחָקִים נַפְשְׁךָ רֹכָבֶת / אוֹ בָאֲדָמָה תִּהֲלַךְ סֹבָבֶת

אוֹ לִבְּךָ עָבַר בְּאֵשׁ תֹּפֶת וְחַם / אוֹ עֵֽינְךָ מִמֵּי פְרָת שַֹׁאָבֶת

הַשְׁקֵט וְשׁוּב כִּי מוֹת אֱנוֹשׁ בּוֹ שֶׁיְּגַל / אֹזֶן אֱנוֹשׁ לֹא-הָֽיְתָה קַשָּׁבֶת

לוּ חָֽכְמָה נַפְשׁוֹ וּפָנָה אַחֲרָיו / לֹא הִרְבְּתָה כִּי אִם-בְּזֹאת מַחְשָׁבֶת

תִּסַּח וְתִשָּׁאֵר גְּוִיַּת אִישׁ כְּמוֹ / אֶרֶץ אֲשֶׁר לֹא-הָֽיְתָה נוֹשָׁבֶת

אַחַי שְׁעוּ מִנִּי אֲמָרֵר בַּבְּכִי / כִּי אֵין דָּֽמִי כִּי גָֽדְלָה מַעְצָבֶת

לֹא-כֵן תְּדַמּוּ אֵשׁ לְבָבִי לו בְדֵי / תֹפֶת וְגֵיא לֹא-חָֽשְׁבָה שַׁלְהָבֶת

בִּנְפֹל עֲטָרָה הָֽיְתָה אֶתְמוֹל בְּרֹאשׁ / תֵּבֵל וְהַיּוֹם עִם-שְׁאוֹל שֹׁכָבֶת

אֵיךְ שָֽׁלְחָה תֵבֵל כְּבוֹדָהּ אַחֲרֵי / לֹא-הָֽיְתָה אָבִי לְךָ אֹיָבֶת

לֹא-מָאֲסָה בָּהּ שִׁבְתְּךָ אָבִי אֲבָל / לֹא-רָֽצְתָה בָּהּ נַפְשְׁךָ לָשָׁבֶת

לוּלֵי אֲשֶׁר שֶׁמֶשׁ בְּמוֹתְךָ נִבְהֲלָה / לֹא עָֽמְדָה עַל-קִבְרְךָ נִצָּבֶת

כִּימַת שְׁחָקִים כּֽוֹכְבֵי רוֹם יִקְרְאוּ / יָשְׁרָךְ בְּאָזְנֶיהָ וְהִיא כֹתָבֶת.