אֵל הַכָּבוֹד, אִם הַכָּבוֹד נָטַשְתִּי,
אַל נָא תִקְצֹף אַל נָא תִטֹּר לָנֶצַח;
זָחַלְתִּי וָאִירָא מִיּוֹם הָרֶצַח,
וּבְכָל-רַע, אוֹיָה לִי! כִּמְעַט נוֹקַשְׁתִּי.
נִחַם עַל אַשְׁמָתִי אַלֶיךָ גַּשְׁתִּי,סָפַקְתִּי עַל יָרֵךְ וָאַט הַמֶּצַח,
הֻכֵּיתִי מִמַּכְאוֹב אָנוּשׁ וָנֶצַח,
זִכִּיתִי אֶת לִבִּי, אָרְחִי חִדַּשְׁתִּי.
וּלְמַעַן אִנָּצֵל מִפַּח הַפֶּשַׁע,נָתַתִּי שַׁרְעַפָּי בִּמְעוֹן שָׁמַיִם,
וָאֶתְאַוֶּה מִשָּׁם חַיִּים וָיֶשַׁע.
אַתָּה עַתָּה חַנוּן אֶרֶךְ אַפַּיִם,אֶת הֶעָשׂוּי כַּפֵּר וּמְחֵה מִסֵּפֶר,
זָכוֹר, כִּי אָנֹכִי עָפָר וָאֵפֶר.