לוגו
[אַתָּה אָדוֹן לְכָל הַנִּמְצָאוֹת]
פרק:
מיקום ביצירה:
0%
X
F
U

סימן: אני משה קטן בר יעקב חזק (משולש)

אַתָּה אָדוֹן לְכָל הַנִּמְצָאוֹת

אַתָּה אֱלוֹהָּ כָּל בְּרִיּוֹת

אַתָּה אֲדֹנָי אֳלֹהִים צְבָאוֹת

אֲשֶׁר עָשָׂה אֶת הַיָּם: יונ' א, ט

אַתָּה נִסְתָּר וּבִפְעָלֶיךָ נוֹדַעְתָּ

אַתָּה נִמְצָא וּמֵרְאוֹת נִשְׂגַּבְתָּ

אַתָּה נוֹרָא אַתָּה

בְּכֹחוֹ רָגַע הַיָּם: איו' כו, יב


אַתָּה יוֹצֵר בְּשָׂרִי וְעַצְמִי

אַתָּה יָדֶיךָ עִצְּבוּ גָלְמִי

אַתָּה יָדַעְתָּ שָׁכְבִי וְקוּמִי

אֶשְׁכְּנָה בְּאַחֲרִית יָם: תה' קלט, ט


אַתָּה מִקֶּדֶם גַּלְגַּלֵּי מְעוֹנָי

אַתָּה מִטֶּרֶם אַדְנֵי אַפַּדְנָי

אַתָּה מָרוֹם לְעוֹלָם אֲדֹנָי

מִקְצַה הָאָרֶץ יוֹרֵדי הַיָּם: ישע' מב, י


אַתָּה שׁוֹכֵן אָהֳלֵי עֲנָנִים

אַתָּה שׁוֹפֵט בְּצֶדֶק אֳמוּנִים

אַתָּה שִׁבַּרְתָּ רָאשֵׁי תַנִּינִים

אִם יִסָּתְרוּ בְּקַרְקָע הַיָּם: עמ' ט, ג


אַתָּה הֲרִיצוֹתָ גַּלְגַּל לְבַל יָמֶש

אַתָּה הִפְאַרְתָּ שְׁנַיִם וְחָמֵשׁ

אַתָּה הֲכִינוֹתָ מָאוֹר וָשָׁמֶשׁ

רְחָבָה מִנִּי יָם: איו' יא, ט


אַתָּה קָצַבְתָּ נְתָחַי וְצַלְעוֹתָי

אַתָּה קָרַמְתָּ עוֹרִי עַל עַצְמוֹתָי

אַתָּה קָנִיתָ כִּלְיוֹתָי

וְצָהֲלוּ מִנִּי יָם: ישע' כד, יד


אַתָּה טֶרֶף יְרֵאֶיךָ תְּשַׁלַּח

אַתָּה טַנַף וְעָוֹן תְּטַהֵר נֶאֱלָח

אַתָּה אֲדֹנִי טוֹב וְסַלָּח

כַּמַּיִם יְכַסּוּ עַל יָם: חבק' ב, יד


אַתָּה נוֹצֵר בְּרִית אֲבוֹתָם

אַתָּה נוֹטֵר לְצָרִים אֵיבָתָם

אַתָּה נָשָׂאתָ עֲוֹן חַטָּאתָם

וְתַשְׁלִיךְ בִּמְצֻלוֹת יָם: מי' ז, יט


אַתָּה בָרָאתָ לִכְרוֹת רִשְׁפֵּי גַחַל

אַתָּה בָזִיתָ לְשַׁאֲגַת שַׁחַל

אַתָּה בָקַעְתָּ מַעְיָן וָנַחַל

וַיֵּרָאוּ אֲפִיקֵי יָם: ש"ב כב, טז


אַתָּה רָקַעְתָּ אֲרָצוֹת בְּאֵיתָן

אַתָּה רָשַׁמְתָּ לַחַיּוֹת מִחְיָתָן

אַתָּה רִצַּצְתָּ רָאשֵׁי לִוְיָתָן

אֲשֶׁר לוֹ הַיָּם: תה' צח, ה

אַתָּה יִשַּׁרְתָּ מַהֲלַךְ נְתִיבוֹתָי

אַתָּה יָעַדְתָּ לַשַּׁחַת חַטֹּאתָי

אַתָּה יָדַעְתָּ לְאִוַּלְתִּי וְאַשְׁמוֹתָי

כַּחוֹל אֲשֶׁר עַל שְׂפַת הַיָּם: ש"א יג, ה


אַתָּה עָרַכְתָּ רַחֲבַת יָדַיִם

אַתָּה עוֹרַרְתָּ לַעֲמֹד בֵּינְתַּיִם

אַתָּה עָשִׂיתָ אֶת הַשָּׁמַיִם

וְאֶת הָאָרֶץ וְאֶת הַיָּם: מל"ב יט, טו ; שמ' כ, יא

אַתָּה קָרוּא בִּלְשׁוֹן קְהִלּוֹת

אַתָּה קָשׁוּר בְּכִתְרֵי תְּפִלּוֹת

אַתָּה קָדוֹשׁ יוֹשֵׁב תְּהִלּוֹת

מִמַּעֲרָב מִצָּפוֹן וּמִיָּם: תה' קו, ג


אַתָּה בִירָה מַחֲרִיב וְאַרְמוֹן

אַתָּה בוֹנֶה בָּתֵּי שִׁמָּמוֹן

אַתָּה בָרָאתָ תָּבוֹר וְחֶרְמוֹן

וַיָּסֶךְ בִּדְלָתַיִם יָם: איו' לח, ח

אַתָּה חֹסֶן שׁוּבָה וָנַחַת

אַתָּה חוֹנֵן בַּפַּח וּבַפַּחַת

אַתָּה חָשַׁקְתָּ נַפְשִׁי מִשַּׁחַת

כִּי יֵהָפֵךְ עָלַיִךְ הֲמוֹן יָם: ישע' מ, ה

אַתָּה זוֹקֵף כְּפוּפֵי מִרְמָס

אַתָּה זוֹכֵר נְתוּנִים לָמַס

אַתָּה זָנַחְתָּ וַתִּמְאַס

וְנָעוּ מִיָּם עַד יָם: עמ' ח, יב

אַתָּה קוֹנֶה קְצַר נֶפֶשׁ וְהֵלֶךְ

אַתָּה קוֹרֵא אֶל דַּל וְחֵלֶךְ

אַתָּה קָרָאתָ אֶל הַמֶּלֶךְ

הַמַּעֲלֶה מִיָּם: ישע' מג, יא

אַתָּה תְשַׁלָּח בְּנֵי גָלוּתִי

אַתָּה תָשִׂים בְּאָזְנֵי אֶפְרָתִי:

אַתָּה תִּהְיֶה עַל בֵּיתִי! –

וְיֵרְדְּ מִיָּם עַד יָם: תה' עב, ח