יֶאְמַץ לְבָבֵךְ וּמוֹעֲדֵךְ יַחֲלִי

מַה תַּחְשְׁבִי קֵץ שְׁבִי וְתִתְבַּהֲלִי

הִתְגַּבְּרִי דַּבְּרִי וְשִׁיר חַבְּרִי

כִּי אָהֳלִיבָה שְׁמֵךְ וּבָךְ אָהֳלִי

וּבְזִי דְבַר לֹעֲגִים וְאִם שֹׁאֲגִים

נֶגְדֵּךְ לְאַט נַהֲגִי וְהִתְנַהֲלִי

דּוֹדֵךְ יְעַנֵּךְ וְהוּא אֲשֶׁר יַעֲנֵךְ

הוּא הַצֳּרִי לַכְּאֵב וְהוּא הֶחֳלִי

הֵיטַבְתְּ חַסְדֵּךְ בְּיַחֲלֵךְ גֹּאֲלֵךְ

אַל תַּחְפְּזִי תֶּחֱזִי הֲדַר פָּעֳלִי

אִמְרִי לְמִתְאַמְּרִים בְּמֶלֶךְ וְשָׂר

מַלְכִּי קְדוֹשׁ יַעֲקֹב וְצוּר גֹּאֲלִי.