לוגו
[יעלו לאלף ולרבבה כבני צאן כל בני ארץ]
פרק:
מיקום ביצירה:
0%
X
F
U

יַעֲלוּ לְאֶלֶף וְלִרְבָבָה כִּבְנֵי צֹאן כָּל בְּנֵי אֶרֶץ

וְתַחַת הַשֵּׁבֶט יוּבָא מֵאֵין יוֹצֵאת וְאֵין פָּרֵץ

דִּין שׁוֹבֵבָה וְדִין שָׁבָה בְּעֵמֶק חָרוּץ יֵחָרֵץ

לִפְנֵי אֲדֹנָי כִּי בָא כִּי בָא לִשְׁפֹּט הָאָרֶץ

הַיּוֹם פְּקֻדּוֹת נִקְרָאוֹת וְתֵבֵל לַדִּין נִצֶּבֶת

וּבוֹ הֵחֵל הַצּוּר לְהַרְאוֹת גְּבוּרַת יְמִין מַחֲצֶבֶת

וּבוֹ כּוֹנֵן כֵּס נוֹרָאוֹת הַמַּגְבִּיהִי לָשֶׁבֶת

הַמַּשְׁפִּילִי לִרְאוֹת בַּשָּׁמַיִם וּבָאָרֶץ

וּמוֹסְדֵי עוֹלָם נוֹסָדוּ וְעַמּוּדֵי חוּג עָמָדוּ

וְשָׁלֹשׁ עֲקָרוֹת נִפְקָדוּ אֱמוּנֵי יְשֻרוּן יָלָדוּ

וַאֲשֶׁר בְּפַתְרוֹס הָעֳבָדוּ בֹּו מֵעָנְיָם נִסְעָדוּ

וְאֵלֶּה בּוֹ יִפָּקֵדוּ לְהַעֲלוֹתָם מִן הָאָרֶץ

דְּרוּשָׁה כַּיּוֹם הַמְלִיכִי מַלְכֵּךְ וְיִמְלֹךְ עָלָיִךְ

וְתִקְעִי וְהָרִיעִי עַד כִּי יַעֲלֶה זֵכֶר קְהָלָיִךְ

וְלִגְאֹל מִשְּׁאוֹל חַיָּיְכִי וְיָאֵר פָּנָיו אֵלָיִךְ

יְחַדֵּשׁ כַּנֶּשֶׁר נְעוּרָיְכִי וּכְמַלְקוֹשׁ יוֹרֶה אָרֶץ

הַעֲלִי נָא יוֹנַת רְחֹקִים קוֹל מֵאֶרֶץ מֶרְחַקִּים

הַקֹּרְאָה מִמַּעֲמַקִּים הַגְבִּירִי שִׁיר עַד שְׁחָקִים

אוּלַי יְקָרֵב יוֹם לְהָקִים דְּבָרוֹ לְשׁוֹשַנַּת עֲמָקִים

וְעַמֵּךְ כֻּלָּם צַדִּיקִים לְעוֹלָם יִירְשׁוּ אָרֶץ.