לוגו
[אוהבי לחייו יריקו]
מיקום ביצירה:
0%

[אֹהֲבִי לְחָיָיו יָרִיקוּ] / יהודה הלוי

אֹהֲבִי לְחָיָיו יָרִיקוּ חֵן וְשֹׁד חֲרָבוֹת יָרִיקוּ

וַחֲסַר לֵב כְּמוֹ דַרְדַּע וְאֵיךְ יַעְמֹד מַדָּע

הַצֳּרִי בְגִלְעָד אִם רֹפֵא

אֵין עֲדֵי בְצִירִי אֶסָּפֶה

מַחֲנֵי לְבָבִי פֶּה לָפֶה

אֵשׁ בְּתוֹךְ קְרָבַי השִִּׁיקוּ מֵי עֲיָנָיו וְלֹא הֶעְתִּיקוּ

מִלְּהָבָיו וְקָט רֶגַע וּבָא עֵת וָפֶגַע

תָּאֳרִי בְּרֹב צִירִי נִבְדַּל

מָה אֲיַחֲלָה כִּי הוּא יִגְדַּל

אִם אֲדַבְּרָה בוֹ לֹא יֶחְדַּל

מַעֲנָיו לְחָיָיו הֶעְנִיקוּ הוֹד וּבָם וְרָדִים הִדְבִּיקוּ

אֶקְטְפָה וֵרְדְּ אֲשֶׁר אֶזְרַע וְאָמַר אַל תִּפְרַע

דּוֹד שְׁמוֹ כְתִשְבִּי אֵלִיָּה

מִקְדָשׁ וְהַר הַמּוֹרִיָּה

גַּם שְׁמוֹ אֲפִיקִים בַּצִּיָּה

לוּ צְבָא שְׁחָקִים הִדְבִּיקוּ מַחֲשַׁב זְמָמָיו הֶעְמִיקוּ

עַד תְּהוֹם לֹא מְעַט אֶגַּע וּמָה הֶבֶל אִיגָע

עֵץ יְקָר וּבִלְעָדָיו בַּדִּים

מַלְאָךְ וְאַךְ כֻּלָּם בַּדִּים

הוּא אֲרוֹן תִּעוּדָה הֵם בַּדִַּים

מִדְּבַשׁ אֲהָבָיו הִמְתִּיקוּ לַיְפִי שְׁדֵיהֶם הֵינִיקוּ

עַד אֳהָלָיו בְּלֵב תָּקַע וְאֵיך לֹא יִבָּקַע

אֹמְרָה לְמַעְרָב אַתְּ מִזְרָח

קָט מְשֹׁך פְּנֵי עֹפֶר יִבְרָח

עַד אֲשֶׁר פְּנֵי הָאֵל אֶצְרָח

אלחביב ימר עני טרקה וימן בתעניקה

וארי לנפסי לא תקנע פיא רב מא אצנע.