¹

כִּכְלוֹת יֵינִי תֵּרֵד עֵינִי

  פַּלְגֵי מַיִם, פַּלְגֵי מָיִם.

שִׁבְעִים² הֵמָּה הַגִּבּוֹרִים

וַיַּכְחִידוּם תִּשְׁעִים³ שָׂרִים,

שָׁבְתוּ שִׁירִים⁴ כִי פִי שָׁרִים

  מָלֵא מַיִם, מָלֵא מָיִם.

לֶחֶם לָאֹכֵל אֵיךְ יִטְעָם

אוֹ אֵיךְ מַאֲכָל אֶל חֵךְ יִנְעָם

עֵת בִּגְבִיעִים לִפְנֵי הָעָם

  יֻתַּן מַיִם, יֻתַּן מָיִם.

מֵי יַם־סוּף בֶּן־עַמְרָם הוֹבִישׁ⁵

וִיאוֹרֵי מִצְרַיִם הִבְאִישׁ

אָכֵן פִּי זֶה משֶׁה הָאִישׁ⁶

  יַזֵּל מַיִם, יַזֵּל מָיִם.

הִנְנִי רֵעַ לַצְּפַרְדֵּעַ⁷

עִמּוֹ אֶזְעַק וַאֲשַׁוֵּעַ

כִּי כָמֹהוּ פִי יוֹדֵעַ

  שִׁיר הַמַּיִם, שִׁיר הַמָּיִם.

נָזִיר יִהְיֶה לִפְנֵי מוֹתוֹ⁸

כִּבְנֵי רֵכָב⁹ תִּהְיֶה דָתוֹ¹⁰

יִהְיוּ בָנָיו וּבְנֵי בֵיתוֹ

שֹׁאֲבֵי מַיִם שֹׁאֲבֵי מָיִם.