סליחה

אֵל יִשְׁעִי וְחֵילִי וּמְנָתִי וְחֶבְלִי / תַּאְזִין תַּחֲנוּנַי הַקְשִׁיבָה לְקוֹלִי:

הַבִּיטָה בְעָנְיִי וּרְאֵה אֶת עֲמָלִי / שִׂים חֶלְקִי רְצוֹנָךְ וּרְצוֹנָךְ תְּנָה לִי:

אַל תִּפְקוֹד עֲוֹנִי, אַל תָּשִׁיב גְּמוּלִי / סִלְחָה לִי חֲטָאַי וּפְשָׁעַי וּמַעְלִי:

וֶהְיֵה לִי לְמִשְׁעָן, סָמְכֵנִי בְנָפְלִי / יוֹדֵעַ בְּעָנְיִי, יַשֵּׁר אֶת שְׁבִילִי:

אַל תִּקְצוֹף לְמַעַן רוֹעַ מַעֲלָלַי / הוֹרֵנִי נְתִיבְךָ וּתְנֵהוּ לְמוּלִי:

יִהְיֶה לִי לְמַעַן לֹא אֵט עַל שְׂמֹאלִי / תֶּן לִי לֵב לְהָבִין, תֶּן כֹּחַ בְּשִׂכְלִי:

לִמְצוֹא לִי מְנוּחָה לִשְׂמוֹחַ בְּשֶׁלִּי / תֶּן חֶלְקִי בְדָתָךְ, כִּי חַיָּה [לְמוּ]לִי:

עָזְרֵנִי בְשִׁמְךָ פֶּן אוֹבַד בְּעָצְלִי / תֶּן […] לְאַחְרִית […] עֻזִּי וְאֵלִי:

הֵן שַׂמְתִּי בְשִׁמְךָ אֶת מַחְסִי וְכִסְלִי / גָּמְלֵנִי חֲסָדִים, אַל תִּגְמוֹל כְּפָעְלִי:

וֶהְיֵה עִם לְבָבִי, בַּל אֶתְעֶה בְסִכְלִי / הַצְלִיחַ דְּרָכַי, נַחְמֵנִי בְאֶבְלִי:

עַד אוֹדֶה שְׁמֶךָ כָּל יוֹמִי וְלֵילִי / אָשִׁיר לָךְ וְגַם בָּךְ אַגְדִּיל מַהֲלָלִי: