סליחה

יוֹם לְמוּלָךְ אֶשְׁפּוֹך רוּחִי

שְׁמַע אֱלֹ[הַי קוֹלִי וְשִׂיחִי]:

אֵיךְ אֲדַבֵּר וּפָנַי רָעוּ

עַל פְּשָׁעַי אֲשֶׁר נוֹדָעוּ

נֶאֱלַמְתִּי וּמִלַּי לָעוּ

וַעֲוֹנִי הִכְשִׁיל כֹּחִי:

בַּעֲבוּרָךְ סְלַח אֶת חוֹבִי

כִּי לְגָדְלוֹ רַב מַכְאוֹבִי

נַחֲמֵנִי מֵרֹב עָצְבִי

מַלְּטָה רַגְלִי מִדֶּחִי:

רוֹמְמֵנִי עַל כָּל קָמִי

פַּלְּטֵנִי מֵרִיב עַמִּי

חַזְּקֵנִי וּתְהִי עִמִּי

יָדָךְ, כִּי אַתָּה גוֹחִי:

הֵן בִּשְׁמָךְ לְבַד כִּסְלָתִי

טַהֲרֵנִי מֵחַטָּאתִי

אַחֲרִית טוֹב תְּנָה אַחֲרִיתִי

חֵן וְחֶסֶד תְּשַׁוֶּה נִכְחִי:

מַהֲרָה וַעֲנֵנִי, צוּרִי

אַל תְּבִישֵׁנִי מִשִּׂבְרִי

רַחֲמֵנִי וַחֲבוֹשׁ שִׁבְרִי

כִּי בְיָדָךְ, מָעֹז, רוּחִי: