[פולמוס עם האסלאם]

אִמְרוּ לְגוֹי נָבָל מְתַעְתֵּעַ אֲשֶׁר / לַעֲשׂוֹת כְּמַעֲשֵׂה דָּת אֱלֹהִים דִּמּוּ:

חַיִּים בְּנֵי אֵל חַי תְּדַמּוּ נָא אֱלֵי / מֵתִים בְּנֵי מָוֶת אֲשֶׁר נִזְעָמוּ:

[אַתֶּם בְּנֵי מָוֶת וְלֹא נַחְנוּ וְלֹא / אֵלֶּה אֲשֶׁר חֶסֶד וְחֵן קוֹמָמוּ:]

אֵל חָק לְנַחְלָתוֹ לְהִתְעַנּוֹת בְּיוֹם / אֶחָד לְכַפֵּר עַל אֲשֶׁר אָשָׁמוּ:

וּלְהַחֲלִיף חֹק יָזְמוּ וַיַּעֲשׂוּ / חֹדֶשׁ, וְהֵפֵר אֵל אֲשֶׁר זָמָמָוּ:

לֹא צָדְקוּ אַךְ יָסְפוּ עָוֹן, וּמִי / יִתֵּן וְלַעֲנוֹת דָּמְמוּ נֶאְלָמוּ:

תֵּלְדוּ לְבֶהָלָה וְתִיגָעוּ לָרִיק / אִם תֹּאכְלוּ לֶחֶם וְאִם תָּצוּמוּ:

הַמּוֹרְדִים בָּאוֹר וְדַרְכּוֹ מָאֲסוּ / חֹשֶׁךְ לְאוֹר, לַיְלָה לְיוֹם יָשִׂימוּ:

תֹּאכְלוּ בְלַיְלָה עַד אֲשֶׁר מֵאַפְּכֶם / יֵצֵא וְתֵעוֹרוּ וְלֹא תָנוּמוּ:

לִנְאוֹף וְלִרְצוֹחַ וְלַחְתּוֹר בֶּאֱשׁוּן / חֹשֶׁךְ מְעוֹן בָּתִים אֲשֶׁר נֶחְתָּמוּ:

נִגְזָר לְעַנּוֹת נַפְשְׁכֶם בִּחְיוֹתְכֶם / טֶרֶם שְׁאוֹל תֵּרְדוּ וְשָׁם תִּדָּמוּ:

תִּרְצוּ לְהַפִּיל הָאֱמֶת אַרְצָה וְלָ־/כֵן תִּפְּלוּ לָעַד וְלֹא תָקוּמוּ:

וּבְנֵי אֱלֹהִים תַּעֲמוֹד רַגְלָם וְגַם / יִנְשׁוּ יְמֵי עָנְיָם וְיִתְנֶחָמוּ:

הֵן זֹאת פְּעֻלַּת אֵל אֲשֶׁר לֹא רַחֲמָיו / כָּלוּ וְחַסְדֵי מַעֲשָׂיו לֹא תָמוּ: