[פורים]
שְׂמַח דּוֹדִי בְּיוֹם פּוּרִים, וְיִיטַב / לְבָבֶךָ וְשׁוֹרֵר עַל נְבָלִים:
לְאֵל עָשָׂה לְךָ הַיּוֹם נְקָמוֹת / בְּאוֹיְבֶיךָ וְתָלוּם עַל חֲבָלִים:
עֲשֵׂה שִׂמְחָה וְיוֹם מִשְׁתֶּה וְיוֹם טוֹב / בְּיֵין יָשָׁן וּמִשְׁמַן הָעֲגָלִים:
וּמַתָּנוֹת לְאֶבְיוֹנִים תְּשַׁלַּח / לְאֵין נָכוֹן תְּחַלֵּק לוֹ חֲבָלִים:
וְזִכְרוֹן הַפְּלָאוֹת הָעֲצוּמִים / אֲשֶׁר עָשָׂה לְךָ רַב הַפְּעָלִים:
בְּפִיךָ שִׂים וְדַבֵּר בָּם לְעֵין כֹּל / וְאַל תִּשְׁעֶה בְדִבְרֵי הַהֲבָלִים:
לְמַעַן יֵדְעוּ, כִּי יֵשׁ מְבַקֵּשׁ / לְיִשְׂרָאֵל, וְכִי מַעְשָׂיו גְּדוֹלִים: