הַמִּתְגָּאֶה בִּכְבוֹד הַלְשָׁנוּתוֹ / נֶעֱלַם מִמֶּנּוּ רָעָתוֹ

כֶּלֶב קָטָן לְאִישׁ הָיָה / הַנֹּשֵׁךְ פֶּתַע כָּל בְּרִיָּה / וּבַעַל הַכֶּלֶב תָּלָה לוֹ פַּעֲמוֹן / בְּצַוָּארוֹ לַעֲשׂוֹת קוֹל הָמוֹן / וְכַאֲשֶׁר רָץ יִשָּׁמַע קוֹלוֹ / וְלֹא יִשֹּׁךְ עוֹד פִּתְאֹם בְּאָהֳלוֹ / וַיָּרָם לְבָבוֹ מִיּוֹם הַפַּעֲמוֹן נָשָׂא / כְּלָבִיא יָקוּם וְכַאֲרִי יִתְנַשָּׂא / חָשַׁב כִּי עַל כְּלָבִים מֹלֵךְ / וּבְגַאֲוָה נְטוּי גָרוֹן הֹלֵךְ / כֶּלֶב זָקֵן הִשְׁקִיף אֵלָיו / וַיָרֶם אֶת קוֹלוֹ עָלָיו / לֵאמֹר: לָמָּה תִתְגָּאֶה / מִן הַפַּעֲמוֹן אֲשֶׁר תַּרְאֶה / כִּי לֹא לְטוֹבָתְךָ וּלְשַׁעֲשׁוּעֶךָ / רַק לְהַזְהִיר עַם מֵרִשְׁעֶךָ / אֲשֶׁר מִשִּׁנֶּיךָ נְשׁוּכִים וְנִשְׂרָטִים / עַל כֵּן יִהְיוּ דְבָרֶיךָ מְעַטִּים.

וְהַמָּשָׁל בְּדֹרֵךְ קַשְׁתּוֹ עַל לְשׁוֹן שֶׁקֶר / וְעַל מוּמֵי שְׁכֵנָיו יְבַקֵּר / וְאָרְבּוֹ בְּקִרְבּוֹ יְגַבֵּר / יֵצֵא לַחוּץ יְדַבֵּר / וּמֹשֵׁל הָעִיר יַמְתִּיק סוֹד אִתּוֹ / וְיַשְׁלִיטֶנּוּ בְמֶמְשַׁלְתּוֹ / בַּאֲשֶׁר יְדָעוֹ מַלְשִׁין וּמְחַנֵּף / וְזֶה יִתְגָּאֶה וְיִתְאַנֵּף / עַל הַדַּלִּים בִּשְׁכוּנָתוֹ / יַשְׂכִּיל כִּי זֶה לֹא לְטוֹבָתוֹ.