גֵּאֲוַת אָדָם תַּשְׁפִּילֶנּוּ / וְלֹא יוּכַל לָדוּן עִם שֶׁתַּקִּיף מִמֶּנּוּ

חָרַשׁ בַּרְזֶל שָׁת אֶת טָרְחוֹ / וַיִּפְעַל בִּזְרוֹעַ כֹּחוֹ / בַּרְזֶל גַּרְזֶן אֵין כָּמֹהוּ / פָּנִים קִלְקַל כִּי לֹא קֵהוּ / וּבְכָל שְׁכֵנָיו יִוָּעֵץ / אָנָה יִקַּח לִרְצוֹנוֹ עֵץ / לַעֲשׂוֹת בֵּית יָד חָזָק שִׁחַר / וְעֵץ לֹא יִרְקַב יִבְחָר / הַיֹּעֲצִים הֱשִׁיבוּהוּ מַעֲנֶה / קַח לְךָ מִן דָּלִיּוֹת הַסְּנֶה / קָשֶׁה מִן הָעֵצִים כֻּלָּם / מִן הָעוֹלָם וְעַד הָעוֹלָם / וַיֵּלֶךְ אֶל הַסְּנֶה בְּמוֹעֲצוֹתָיו / וַיִּכְרֹת מִן דָּלִיּוֹתָיו / חִבֵּר הַבַּרְזֶל בַּעֲמָלוֹ / עַל הָעֵץ אֲשֶׁר הֵכִין לוֹ / תִּקֵּן הַגַּרְזֶן וְכִלָּהוּ / וַיֹּאמֶר לַדֶּבֶק טוֹב הוּא / וּלְנַסּוֹת טוּבוֹ וְהוֹדוֹ / בַּגַּרְזֶן נִדְחָה יָדוֹ / לִכְרֹת אֶת הַסְּנֶה עַד תֻּמּוֹ / שֹׁרֶשׁ וְעָנָף כִּי בָא יוֹמוֹ.

וְהַמָּשָׁל בְּאִישׁ אוֹהֵב אֶת רֵעֵהוּ / אֲשֶׁר טִפְּחָהוּ וְרִבָּהוּ / יַאֲכִילֵהוּ וְיַשְׁקֵהוּ / כַּאֲשֶׁר הָיָה רָעֵב עֵרוֹם וָדָל / וּבִרְאוֹתוֹ כִּי שָׁמַן וְגָדַל / נֶהְפַּךְ לוֹ לְבֶן־בְּלִיַּעַל / וּבְמֵטִיב אֵלָיו יִמְעַל / לְשַׁלֵּם לוֹ רָעָה תַּחַת טוֹבָה / וְשִׂנְאָה תַּחַת אַהֲבָה / וַיְהִי לוֹ לְשָׂטָן בְּרֹב מַשְׂטֵמָה / מִכָּל הָאָדָם אֲשֶׁר עַל פְּנֵי הָאֲדָמָה / וְהָיָה אַדִּיר מִמֶּנּוּ וּמָשְׁלוֹ מִקִּרְבּוֹ / הֲיִתְפָּאֵר הַגַּרְזֶן עַל הַחֹצֵב בּוֹ / וּמַר מִמָּוֶת זֶה הָאִישׁ מוֹצֵא / מְהָרְסָיו וּמַחֲרִיבָיו מִמֶּנּוּ יֵצֵא.