נַפְשׁוֹ מוֹרְאָה וְנִגְאֲלָה / לֹא יֵרָפֵא עַל נְקַלָּה

חֲזִירַת יַעַר בְּטִיט חוּצוֹת מִתְבּוֹסֶסֶת / וּבְאַשְׁפָּה אֲשֶׁר תִּרְפֹּשׁ בּוֹ מִתְעַלֶּסֶת / וְהִנֵּה בַיַּעַר קוֹל מִשְׁתֶּה וְשִׂמְחָה / וּמִינֵי מַטְעַמִּים וַאֲרוּחָה / כִּי צְבִי נָשָׂא קְרוֹבָתוֹ / וַיִּתְאַסְּפוּ אֶל חֻפָּתוֹ / מִכָּל הוֹלֵךְ עַל אַרְבַּע / וַיֹּאכַל כָּל אֶחָד וַיִּשְׂבַּע / לֶחֶם וְקֶמַח בָּשָׂר וְדָגִים / וּבְשִׂמְחָתָם הֵם אוֹכְלִים וְחֹגְגִים / לְבַלּוֹת עִמָּהֶם בַּנְעִימִים / לְמִגָּדוֹל וְעַד קָטָן מִשְׁתֶּה שִׁבְעַת יָמִים / וְהַחֲזִירָה שָׁמְעָה שְׁאוֹן עֲלִיזוֹת / וְלֹא שָׁתָה לִבָּהּ גַּם לָזֹאת / וַיַּבֵּט צְבִי אֶחָד בַּחֲזִירָה / הַנִּגְאֶלֶת וּבַטִּיט פָּעֲרָה / פִּיהָ אֲשֶׁר אַשְׁפּוֹת חָתַר / וַתֹּאכַל וַתִּשְׂבַּע וַתּוֹתַר / וַיֹּאמֶר הַצְּבִי לָהּ / בֹּאִי נָא בֵּית הַכַּלָּה / אֲשֶׁר קוֹל הָמוֹן שָׁלֵו בָהּ / וְלֹא תֶחְסַר כֹּל בָּהּ / וְכָל אֲשֶׁר שָׁאֲלוּ עֵינַיִךְ שָׁמָּה תִּקָּחֵם / לֹא בְּמִסְכֵּנֻת תֹּאכַל בָּהּ לָחֶם / שָׁם כָּל עוֹף לְמִינֵהוּ / וּצְבִי עֶדְיוֹ לְגָאוֹן שָׂמָהוּ / וְרוּחַ שִׂמְחָה בִּלְבָבוֹ עָצַם וְגָבַר / וּבַעַל כְּנָפַיִם יַגִּיד דָּבָר / לֹא נֶעְדַּר אֹכֶל מִכָּל מִינִים / וְכֵלִים מִכֵּלִים שׁוֹנִים / וְהַצְּבִיָּה מַה נָּעֲמָה אֲשֶׁר לַצְּבִי מִתְיַפָּה / כִּי עַל כָּל כָּבוֹד חֻפָּה / וַתַּעַן הַחֲזִירָה: אִם הָיָה שָׁם אֹכֶל מִכָּל מִין / הֶאָכֹל אֲכַלְתֶּם סֻבִּין שְׁרוּיִן בְּחַמִּין / אוֹ מִטִּיט הַנִּרְמָס בַּחוּצוֹת / כִּי כְמֹהֶם לֹא נִמְצָא מַעֲדָן בְּכָל הָאֲרָצוֹת / וְאִם אֵלֶּה הַשְּׁנַיִם שָׁם נֶעְדְּרוּ / כָּל הַשְּׁאָר בְּעֵינַי לֹא יָשְׁרוּ / כִּי מִיּוֹם הִוָּלְדִי כָהֶם לֹא טָעַמְתִּי / לֶחֶם חֲמֻדּוֹת לֹא אָכַלְתִּי.

וְהַמָּשָׁל בַּאֲשֶׁר נָכְרִיָּה עֲבוֹדָתוֹ / וּמִכִּתְמֵי חֲטָאָיו לֹא זָרָה תַאֲוָתוֹ / עַד כִּי נַפְשׁוֹ מוֹרְאָה וְנִגְאָלָה / וִירַפֵּא פְּשָׁעָיו עַל נְקַלָּה / כִּי סְעִפָּיו בּוֹ שָׂשוּ / לַעֲשׁוֹת מַעֲשִׂים אֲשֶׁר לֹא יֵעָשׂוּ / וְדֶרֶךְ עֵינָיו לִבּוֹ זָנָה / גַּם כִּי יַזְקִין לֹא יָסוּר מִמֶּנָּה / וּבְעֵינֵי שְׁכֵנָיו נִתְעָב וְנֶאֱלָח / כִּי מַיִם חַיִּים בְּרַגְלָיו יִדְלָח / וְהָיָה כִּי יֹאמְרוּ לוֹ רֵעִים / הִנֵּה מַה טּוֹב וּמַה נָּעִים / לְהִדָּבֵק בְּדֶרֶךְ הַיְשָׁרִים וְהַנְּקִיִּים / לִהְיוֹת חֶלְקָם בַּחַיִּים / וּמָה רַב טוּב הַצָּפוּן לָהֶם / הִתְחַזֵּק וַעֲשֵׂה כְמֹהֶם / אָז יֹאמַר: אֲשֶׁר נִסִּיתִי אָהַבְתִּי / כִּי שַׂמְתִּי כָזָב מַחְסִי וּבַשֶּׁקֶר נִסְתַּרְתִּי / וְאַשְׁלִים חֶפְצִי וַאֲמַלֵּא תַאֲוָה / לְמַעַן סְפוֹת הָרָוָה / וְטוֹב לִי מַרְאֵה עֵינַי / וּלְהִתְעַדֵּן רַעְיוֹנַי / מִלְּצַפּוֹת בְּעוֹלָם אַחֵר לִהְיוֹת מֶלֶךְ / שָׁלוֹם יִהְיֶה לִי כִּי בִּשְׁרִרוּת לִבִּי אֵלֵךְ.