טוֹב חֹסֶר מַאֲכָל וּלְבוּשׁ / מִהְיוֹת עַל שֻׁלְחַן אֲחֵרִים חָבוּשׁ

אֲרִי כָּחַשׁ מִשֶּׁמֶן בְּשָׂרוֹ / וְלֹא נִשְׁאַר עָלָיו רַק עַצְמוֹתָיו וְעוֹרוֹ / וַיֵּלֶךְ בְּלֹא כֹחַ לְאַט בִּמְסִלָּתוֹ / וְהִנֵּה כֶלֶב שָׁמֵן בָּא לִקְרָאתוֹ / וַיֹּאמֶר לוֹ בְלַעְגּוֹ: אָנָה תֵלֵךְ / מַדּוּעַ אַתָּה כָּכָה דַּל בֶּן הַמֶּלֶךְ / הֲנָקֵל הֱיוֹתְךָ בֵּין אֲנָשִׁים לִשְׁמֹר מִשְׁמַרְתָּם / לָשֵׂאת מַשָּׂאָם וְלִהְיוֹת כְּעֶבֶד אִתָּם / וְלֹא בְמִסְכֵּנֻת תֹּאכַל לֶחֶם וְלֹא תֶחְסָר / בְּכָל אַוַּת נַפְשְׁךָ תֹּאכַל בָּשָׂר / כָּמוֹנִי הַיּוֹם אֲשֶׁר לְעֶבֶד הָיִיתִי / וְשָׁמַנְתִּי עָבִיתִי כָּשִׂיתִי / מִהְיוֹתְךָ דַּל בָּשָׂר וּבַדֶּרֶךְ תֹּעֶה / רוֹדֵף קָדִים וְרוּחַ סֹעֶה / כִּי גַם בְעֵת יַאַסְרוּנִי בְּרַתּוּקוֹת וּבַעֲבֹתוֹת / לַאֲרוּחָתִי נִתַּן לִי בָּשָׂר וְלֶחֶם מִסְּלָתוֹת / וּמִלֶּחֶם חֻקִּי תּוֹחַלְתִּי לֹא נִכְזְבָה / חֻבַּל עֹל מִפְּנֵי שֶׁמֶן, וְהָאֵסוּר עֲבֹתוֹת אַהֲבָה / וַיַּעַן הָאֲרִי: גָּאוֹן שִׂבְעַת לֶחֶם גְּאוֹנְךָ / עַל כֵּן לֹא תַכִּיר בֵּין כְּבוֹדְךָ לִקְלוֹנֶךָ / וְכֶלֶב כָּמוֹךָ יִשָּׂא מִדַּבְּרֹתֶיךָ / בַּאֲשֶׁר בְּיָדְךָ מִנְהַג אֲבוֹתֶיךָ / אֲשֶׁר אֻסְּרוּ בְעֶדְרֵי הַצֹּאן לִשְׁמוֹר / וּבְיָתֵד הַתְּקוּעָה עַל אֵבוּס הַחֲמוֹר / הַאֶשְׁוֶה לְךָ לִהְיוֹת נִקְשָׁר בְּשַׁלְשְׁלָאוֹת / חָלִילָה לִי לִשְׁמֹעַ קוֹל נוֹגֵשׂ וּתְשׁוּאוֹת / טוֹב לִי בְּלֹא מֹשֵׁל וּבְמִשְׁמַנֵּי רָזוֹן / מִלִּהְיוֹת כְּעֶבֶד נִרְצָע עַל רֹב מָזוֹן / כִּי אִם עַתָּה תִּקְצַר מֵהוֹשִׁיעַ יָדִי / טוֹב לִי לִסְבֹּל עָנְיִי וּמְרוּדִי / וְלִהְיוֹת חָפְשִׁי כַּאֲשֶׁר הָיָה אָבִי / מִהְיוֹתִי עֶבֶד וְלִסְעֹד בִפְתוֹתֵי לֶחֶם לְבָבִי.

וְהַמָּשָׁל כָּכָה יֵעָשֶׂה לָאִישׁ אֲשֶׁר הַמֶּלֶךְ חָפֵץ בִּיקָרוֹ / לָקַחַת מוּסַר הַשְׂכֵּל מִן הָאֲרִי וּמוּסָרוֹ / יִדַּל מִשֶּׁמֶן בְּשָׂרוֹ וְלֹא יִדַּל כְּבוֹדוֹ / לִקְנוֹת אָדוֹן לְעַצְמוֹ וּלְכַבּוֹת נֵר הוֹדוֹ / וְאַל יִתְפָּאֵר בְּשֹׁמֶן כְּרֵסוֹ וּבַעֲבִי גַבּוֹ / וְעַל אֲשֶׁר כִּסָּה פָנָיו בְּחֶלְבּוֹ / כַּאֲשֶׁר מִצֵּיד אֲחֵרִים הִצְטַיָּד / טוֹב לִהְיוֹתוֹ מִקִּצְרֵי יָד / בְּחֹסֶר רֹב מַאֲכָל וּלְבוּשׁ / מִהְיוֹת עַל שֻׁלְחַן אֲחֵרִים חָבוּשׁ / הֲיִתָּכֵן לַמַּשְׂכִּיל לִהְיוֹת בְּדַעְתּוֹ נִקְלֶה / הֲיִצְלַח הֲיִמָּלֵט הָעֹשֶׂה אֵלֶּה / לְשׂוּמוֹ מִרְמָס כְּעֶבֶד נִרְצָע / חָמָס עַל לְבוּשׁוֹ וְתַחְתָּיו קָלוֹן יֻצַּע / וְאָמַר הֶחָכָם: הַהִסְתַּפְּקוּת שֶׁמּוֹנַעַת בְּעָלֶיהָ מִזֻּלּוּת / טוֹבָה מִן הַמָּמוֹן הַמְבִיאוֹ לְבִזָּיוֹן וְשִׁפְלוּת.