הַמֹּנֶה סֵדֶר הַבְדָּלוֹת בַּבָּנִים / לְסוֹף יִתְעָרְבוּ עִמּוֹ שׁוֹנִים
קוֹף אֶחָד וּשְׁנֵי קוֹפָיו עַל הַסֶּלַע סְבִיב הַסְּנֶה / הַקָּטָן אֹהֵב וְהַגָּדוֹל שֹׂנֵא / וְהִנֵּה נָמֵר שֹׁקֵד מִמְּעוֹנוֹ יֹרֵד / וְהַקּוֹף עָלָיו וְעַל אֲשֶׁר אָהַב חָרֵד / בִּרְאוֹתוֹ כִּי בָא מֵהַרֲרֵי נְמֵרִים / וַיֵּצֵא בְחֵמָה גְדוֹלָה לְהַשְׁמִיד וּלְהַחֲרִים / וַיִּשְׁאַג עַל טַרְפּוֹ / יְפַלֵּס נָתִיב לְאַפּוֹ / וַיֹּאמֶר הַקּוֹף: מִן אֲשֶׁר אֶשְׂנָא אֵדַע שְׁכֹל / וְהִסְתַּרְתִּי פָנַי מִמֶּנּוּ וְהָיָה לֶאֱכֹל / וַיִּקְָחֵהוּ וַיַּשְׁלִיכֵהוּ עַל גַּבּוֹ / לְתִתּוֹ רִאשׁוֹן אֶל הַנָּמֵר שָׁת לִבּוֹ / וְהַקָּטָן אֲשֶׁר חָמַל עָלָיו / בְּנוּסוֹ נְשָׂאוֹ בֵּין רַגְלָיו / וּבִרְאוֹתוֹ כִּי הַנָּמֵר הֹלֵךְ וְקָרֵב רָצָה / לְהַשְׁלִיךְ אֶת אֲשֶׁר עַל גַּבּוֹ אָרְצָה / וְזֶה יָדַע זְדוֹנוֹ וַיַּחֲזֵק בְּצִצִּית רֹאשׁוֹ / בַּאֲשֶׁר רָצָה לְמַלֵּט אֶת נַפְשׁוֹ / וּבִרְאוֹתוֹ כִּי לֹא יָכֹל לְהַפִּילוֹ / וְהַנָּמֵר נִגַּשׁ וּבָא אֶצְלוֹ / עָזַב אֶת אֲשֶׁר אָהַב וְהוּא נִמְלָט / עִם הַקּוֹף אֲשֶׁר עַל גַּבּוֹ שָׁלָט / וַיַּרְא הַקּוֹף כִּי זִמּוֹתָיו נִתָּקוּ / כִּלְיוֹתָיו וְלִבּוֹ עִם הַקּוֹף אֲשֶׁר שָׂנֵא דָבָקוּ / וַתֵּהָפֵךְ שִׂנְאָתוֹ לְאַהֲבָתוֹ / וַיַּחְמֹל עָלָיו כַּאֲשֶׁר יַחְמֹל אִישׁ עַל בְּנוֹ הָעֹבֵד אֹתוֹ.
וְהַמָּשָׁל לֶאֱהֹב אֶת בָּנָיו בְּמִדָּה שָׁוָה / כִּי אֶת אֲשֶׁר יֶאֱהַב יוֹתֵר וְשָׂם בּוֹ תִּקְוָה / בְּפֶתַע פִּתְאֹם הַגַּלְגַּל יִטְרְפֶנּוּ / הֲתָעִיף עֵינֶיךָ בּוֹ וְאֵינֶנּוּ / וַאֲשֶׁר שָׂנֵא וְרִחֵק אֹתוֹ / וְהָיָה לוֹ לְמֵשִׁיב נֶפֶשׁ וּלְכַלְכֵּל שֵׂיבָתוֹ.