אִם הָיָה מִצְעָר רֵאשִׁיתוֹ / מאֹד יִשְׂגֶּה אַחֲרִיתוֹ

הַפִּיל מֻפְלָא בַּחַיּוֹת / בִּדְמוּת בְּקוֹמָה בִּרְאִיּוֹת / כִּי הוּא מָלֵא עֲצָמוֹת / וּסְבִיבוֹת שִׁנָּיו אֵימוֹת / צַוָּארוֹ אָרֹךְ מָאתַיִם / אַמּוֹת וְיוֹצֵא בֵינְתַּיִם / מִבֵּין הַשּׁוֹקַיִם וּמִן הֶחָזֶה / לָדַעַת מַה זֶּה וְעַל מַה זֶּה / לְלַקֵּט מַאֲכָלוֹ בְפִיו בְפַעַם אַחַת / עֲגָלָה מְלֵאָה טְעוּנָה שַׁחַת / עִיר וְיוֹשְׁבֶיהָ רוֹכְבוֹ / פִּיו פֹּעֵר לַעֲלוֹת עַל גַּבּוֹ / כַּאֲשֶׁר יוּכַל שְׂאֵת מַשָּׂא / פְּסִיעוֹתָיו פְּסִיעָה גַסָּה / וְיֹדֵעַ צַיִד אִישׁ שָׂדֶה / מִן הַחַיּוֹת אֹרֵב וְצֹדֶה / וְהִנֵּה פִּיל יוֹצֵא לִקְרָאתוֹ / בִּדְמוּתוֹ בְּמַרְאֵהוּ בְּקוֹמָתוֹ / וְהָאִישׁ אֵלָיו הֹלֵךְ וְקָרֵב / עַל יְרֵכוֹ חֲגוּרָה חֶרֶב / וַיְהִי כַאֲשֶׁר הִקְרִיב הַפִּיל אֵלָיו / חָרַק שִׁנָּיו עָלָיו / וַיִּפְעַר פִּיו לִבְלִי חֹק / וַיַּשְׁלִיכֵהוּ לְמֵרָחֹק / וְהָאִישׁ עָיֵף וְיָגֵעַ / הֹלֵךְ שׁוֹק עַל שׁוֹק נוֹגֵעַ / לְהָסִית הַכְּלָבִים בּוֹ לְנָשְׁכוֹ / לֹא יְכֻפַּר לַדָּם כִּי אִם בְּדַם שֹׁפְכוֹ / וַיָּבֶן אֵלָיו הָאִישׁ הַהוּא / אוּלַי יוּכַל בְּרִשְׁתּוֹ לְהַפִּילֵהוּ / וַיִּפְרֹשׂ הָרֶשֶׁת וְהַמֵּיתָרִים / מִכְמָרוֹת וּפַחִים בַּיְּעָרִים / וַיִּרְדְּפֵהוּ עַד בֹּאוֹ שָׁמָּה / וַיְשַׁבְּרֵם וַיְנַתְּקֵם עַד הַחָרְמָה / וַיִּלְטֹשׁ חַרְבּוֹ / אוּלַי יוּכַל לְהִלָּחֵם בּוֹ / וַיֵּלֶךְ וַיִּפְגְּשֵׁהוּ וַיְבַקֵּשׁ הֲמִיתוֹ / כִּי תֹאֲנָה הוּא מְבַקֵּשׁ לְעֻמָּתוֹ / וְכַאֲשֶׁר הֵרִים יָדוֹ עָלָיו וְגָבַר / חַרְבּוֹ כִּכְלִי יֹצֵר נִפַּץ וְנִשְׁבַּר / וַיַּרְא כִּי לֹא יוּכַל לוֹ / וַיִּזְעַק כָּל הָעָם לְקוֹלוֹ / וַיֹּאמֶר לָהֶם: שֶׁלִּי הוּא זֶה הַפִּיל / חֲמַדְתִּיו וּפָנַי בּוֹ אַפִּיל / כִּי לֹא יָכֹלְתִּי בְעָרְמָתִי / לְצוּדוֹ בִמְצוּדָתִי וּבְרִשְׁתִּי / גַּם לֹא בְחַרְבִּי וּבְקַשְׁתִּי / וַאֲנִי כַאֲשֶׁר שָׁכֹלְתִּי שָׁכָלְתִּי / רִדְפוּ אַחֲרָיו אוּלַי תַּשִּׂיגוּהוּ / כִּי תֹאחֲזֶנּוּ רְעָדָה וּפַלָּצוּת תְּבַעֲתֵהוּ / וְהָאֲסַפְסוּף אֲשֶׁר בְּקִרְבּוֹ / הִתְאַוּוּ תַּאֲוָה לִשְׁלֹט בּוֹ / וַיַפִּלוּהוּ מַהֵר בִּשְׁחִיתוֹתָם / וַיִּלְכְּדוּהוּ בְחָפְזָם וּבַחֲמָתָם / וַיְבִיאוּהוּ אֶל אֲדֹנָיו אִישׁ שָׂדֶה / וַיֹּאמֶר בְּלִבּוֹ אֲדֹנָיו, כִּי בְפֶרֶךְ יִרְדֶּה / וַיַּכְנַע בֶּעָמָל לִבּוֹ / וַיַּעַל אֲדֹנָיו עַל גַּבּוֹ / וַיֹּאמֶר לוֹ: מַדּוּעַ כֹּה עָשִׂיתָ לָלֶכֶת עִמִּי בְקֶרִי / בַּחֲרוֹן אַפְּךָ וָמֶרִי / וְאֹתִי הִשְׁלַכְתָּ אַחֲרֵי גַוֶּךָ / אָכֵן צִנִּים וּפַחִים סְבִיבֶךָ / וַיַּרְא כִּי אֵין זָר אִתּוֹ / וַיָּלֶט פָּנָיו בְּאַדַּרְתּוֹ / וַיִרְכַּב עָלָיו עַד בֹּא הַשֶּׁמֶשׁ / מֵהָחֵל בַּקָּמָה חֶרְמֵשׁ / וַיִּרְאוּ אֹתוֹ הַקּוֹצְרִים / וַיִּתְחַבְּאוּ מִמֶּנּוּ בַיְעָרִים / יְשֹׂרְגוּ גִּידֵי פַחֲדֵיהֶם / כִּי יָזְמוּ הַשֵּׁד עָלָה בִשְׂדֵיהֶם / וַיֹּאמְרוּ אִישׁ אֶל רֵעֵהוּ / הַשֵּׁד עַל סוּסוֹ רְאִינוּהוּ / וַיִּצְעֲקוּ וַיִּבְכּוּ כָּל הַלַּיְלָה / קוֹל הֲמֻלָּה גְדוֹלָה / וְהִנֵּה אֵימָה חֲשֵׁכָה עֲלֵיהֶם נָפְלָה / וַתֶּחֱִזַק בֵּינֵיהֶם הַיְלָלָה / עַד בֹּאָם אֶל עִיר מוֹשָׁב / וַיֹּאמְרוּ: הוֹצִיאוּ כָּל גֵּר וְתוֹשָׁב / לְהַבְרִיחַ הַשֵּׁד מֵעָלֵינוּ / הֲלָנוּ אַתָּה אִם לְצָרֵינוּ / וַתֵּהֹם עֲלֵיהֶם כָּל הָעִיר / וַיֹּאמְרוּ: נֶגֶד שֵׁד וְשָׂעִיר / לֹא נִלָּחֵם מִלְחָמָה / פֶּן נִהְיֶה לְבוּז וְלִכְלִמָּה / וַיַּעַזְבוּ אֶת אָהֳלֵיהֶם / וְאֶת מִקְנֵיהֶם וְאֶת חֲמוֹרֵיהֶם / וַיָּנוּסוּ עַל נַפְשָׁם / אֲנָשִׁים וְנָשִׁים מִשָּׁם / וְהָאִישׁ עִם הַפִּיל בָּא שָׁמָּה / וְאָהֳלֵיהֶם כַּאֲשֶׁר הֵמָּה / מָצָא וּבָם כָּל הוֹן יָקָר / זָהָב וָכֶסֶף צֹאן וּבָקָר / וַיִּשְׁלַח וַיָּבֵא אֶת אֹהֲבָיו / וַיִּקְרָא אֵלָיו כָּל קְרוֹבָיו / וַיּוֹצֵא מִן הָעִיר כָּל כְּלִי חֶמְדָּה / בְּתֵבָה בְּמִגְדָּל וּבְשִׁדָּה / וְעַל מֵיטַב צֹאן וְהַבָּקָר וְהַמִּשְׁנִים / שְׂמֵחָה הָאֵם עַל בָּנִים / וְהָעִיר תִּשָּׁאֶה שְׁמָמָה / מֵאֵין אָדָם וּבְהֵמָה / מִצֹּאן וּבָקָר לָרֹב / כְּמֶלֶךְ הַבָּא עָלֶיהָ לַחֲרֹב / וַיֵּלֶךְ וַיָּבֹא לְעִיר אַחֶרֶת / וַיַּעַשׂ לָהּ כְּמוֹ לָרִאשׁוֹנָה הַנִּשְׁאֶרֶת / וְכֵן לַשְּׁלִישִׁית וּרְבִיעִית / חֲמִישִׁית שִׁשִּׁית שְׁבִיעִית / וּשְׁמִינִית וְהַתְּשִׁיעִית / וְעוֹד בָּהּ עֲשִׂירִיָּה / וְשָׁבָה וְהָיְתָה לְבָעֵר בָּהּ כָּל שִׁבְיָהּ / וַיָּשָׁב בְּשָׁלוֹם עָשִׁיר לְבֵיתוֹ / וַיּוֹדִיעַ לָהֶם מַה מַּשְׂכֻּרְתּוֹ / אֲשֶׁר יַבְרִיחַ מֵהֶם הַשֵּׁד בְּשֵׁמוֹת / אֲשֶׁר בָּאָרֶץ שָׂם שַׁמּוֹת / וַיִּדְרוּ לָתֵת לוֹ חֲצִי הַשֶּׁבִי / לְהַחֲזִיר לָהֶם חֶצְיוֹ וּלְהָבִיא / וַיַּעַשׂ כֵּן הָאִישׁ הַהוּא / וַיִּמְחֲלוּ לוֹ אֶת אֲשֶׁר כְּבָר עֲשָׂהוּ.

וְהַמָּשָׁל בְּאִישׁ מִסְכֵּן וְחָכָם / לִרְדֹּף אַחֲרֵי טַרְפּוֹ מְמוּכָן / הוּא בְּכָל יוֹם עָיֵף וְיָגֵעַ / וְלֹא מָצָא לְנַפְשׁוֹ מַרְגּוֹעַ / וּמְאוּמָה לֹא יִשָּׂא בַעֲמָלוֹ / כְּמִקְרֵה הָאִישׁ לְבַדּוֹ עִם פִּילוֹ / וְכַאֲשֶׁר הִגִּיעַ דְּבַר הַמֶּלֶךְ אֵלָיו / לְהִתְגַּבֵּר מַזָּלוֹ עָלָיו / לְהַעֲלוֹתוֹ מַעְלָה מַעְלָה / כְּבַעַל הַפִּיל לִגְדֻלָּה / יַרְחִיק מִיָּדוֹ גְּזֵלָה וּגְנֵבָה / בִּפְעֻלָּתוֹ אֲשֶׁר עָבַד בָּהּ / כַּאֲשֶׁר פָּעַל הָאִישׁ עִם הַשֶּׁבִי / לְהַחֲזִיר חֶצְיוֹ נִתְגַּבֵּר כְּלָבִיא / וְאִם הָיָה מִצְעָר רֵאשִׁיתוֹ / מְאֹד יִשְׂגֶּה אַחֲרִיתוֹ / וְלֶחֶם מַטְעַמִּים יִסְעַד / וְצִדְקָתוֹ עוֹמֶדֶת לָעַד.