אִישׁ מָלֵא רַע וְתַהְפּוּכוֹת / מְשַׁלֵּחַ מְדָנִים בֵּין אַחִים וּמַכּוֹת

חֻלְדָּה דָּרָה בְעִקְּרֵי בָתִּים / וּמִן הַחֲרַכִּים הֵצִיצוּ חִטִּים / וְהָעוֹף אֹכֵל אוֹתָם קִמְעָא / וַתַּחֲשֹׁב אֶת נַפְשׁוֹ לְקָבְעָה / וַתֹּאמַר: מַדּוּעַ נַפְשִׁי קָצְרָה / וְלָעוֹף הַרְבֵּה חִטָּה וּשְׂעוֹרָה / וִימֵי מִשְׁתֶּה וְשִׂמְחָה / כָּל יָמָיו בְּלִי פֶּרֶץ וּצְוָחָה / לִשְׂחֹק אָמַרְתִּי מְהוֹלָל / וְהָיְתָה לִי נַפְשִׁי וּבְשָׂרִי לְשָׁלָל / בְּאַוַּת נַפְשִׁי אֹכַל בָּשָׂר / וּבָרָעָב מָזוֹן לֹא אֶחְסָר / וַתֵּלֶךְ אֵלָיו בַּלָּט / וּמִפַּח יָקוּשׁ הַצִּפּוֹר נִמְלָט / וַיָעָף מִמֶּנּוּ דֶּרֶךְ קְצָרָה / פֶּן יִהְיֶה לוֹ לַחֵץ מַטָּרָה / רִחַק כִּמְטַחֲוֵי קֶשֶׁת / וְהַחֻלְדָּה קָרְאָה לוֹ בַאֲרֶשֶׁת / וַתֹּאמַר: לָמָּה בָרַחְתָּ מִמֶּנִּי / וְאִם אִשָּׁה תַחְפֹּץ כָּמוֹנִי / וּפָרַשְׂתָּ כְנָפֶךָ עַל אֲמָתֶךָ / כִּי אָהַבְתִּי מְעוֹן בֵּיתֶךָ / וְעָלֶיךָ הִשְׁלַכְתִּי יַהַב / וְאֵלַי קְרָאתִיךָ בְּאַהַב / וְתִהְיֶה בְּכָל עֵבֶר רֹדֶה / לְכָה דוֹדִי נֵצֵא הַשָּׂדֶה / וַאֲנִי דֹרֵס וְאֹכֵל / וְאַתָּה טֹרֵף וּמְשַׁכֵּל / וּנְחַלֵּק בְּגוֹרָל הַשָּׁלָל יַחַד / טוֹבִים הַשְּׁנַיִם מִן הָאֶחָד / וְהָעוֹף הֵשִׁיב לָהּ דָּבָר / כִּי הִנֵּה הַסְּתָו עָבָר / וְהִגִּיעַ עֵת הַזָּמִיר / לֹא אַחֲלִיף וְלֹא אָמִיר / אִשְׁתִּי הַטּוֹבָה בְרָעָה / לֹא אוֹסִיף עָלֶיהָ לֹא אֶגְרָעָה / עֵינִי וְזוּגָתִי בְחַיֶּיהָ / אֲפִלּוּ בִצְבִי אוֹ בִִצְבִיָּה / וְלֹא תִמְצְאִי בִי חֹבֵר חָבֶר / וְלֹא תוֹסִיפִי עוֹד אֵלַי לְדַבֵּר / וַתַּעַן הַחֻלְדָּה / אֲנִי שְׁכוּלָה וְגַלְמוּדָה / וּמִמֶּנִּי לֹא תִפְחַד / כִּי בְּבֵיתִי הֵבֵאתִי לְךָ שֹׁחַד / וְלֹא יָדַעְתָּ אֶת שִׁפְלוּתִי / כִּי יָדַעְתִּי אָמַרְתִּי אַחֲרֵי מוֹתִי / אֲשֶׁר פִּי זָרוֹת עֲמֻקָּה שׁוּחָה / הִטַּתּוּ בְרֹב לִקְחָהּ / לָבֹא אֵלֶיהָ עוֹד וְלָגֶשֶׁת / וַתְּהִי לָהּ לִכְלִמָּה וּלְבֹשֶׁת / וַיְהִי כַאֲשֶׁר הֵם מְדַבְּרִים / וְהִנֵּה מִן סִבְכֵי הַיְּעָרִים / בָּאוּ שֻׁעָל וְאַרְנֶבֶת / וַיַּכּוּ אֶת הַחֻלְדָּה עַד מָוֶת / וְהָעַיִט נִמְלַט מִכָּל פֶּגַע רַע / כִּי לֹא אֹיֵב לוֹ וְלֹא הֵרַע / וְהַחֻלְדָּה אֲשֶׁר חָשְׁבָה נַפְשׁוֹ לְקַחְתָּהּ / הוּשַׁב גְּמוּלָהּ בְּרֹאשָׁהּ / וְנַעֲשָׂה לָהּ כַּאֲשֶׁר זָמְמָה / עֲנִיָּה סֹעֲרָה לֹא נֻחָמָה.

וְהַמָּשָׁל בְּאִישׁ מָלֵא רַע וְתַהְפֻּכוֹת / מְשַׁלֵּחַ מְדָנִים בֵּין אַחִים וּמַכּוֹת / לְהַפִּיל יְדִידָיו וְרֵעָיו / בְּפַחִים וּמִכְמָרוֹת מִדַּהֲרַת אַבִּירָיו / וְנִמְצֵאת לַעֲשׂוֹת לוֹ כַּאֲשֶׁר זָמַם / הוּא לָאֲנָשִׁים עַד תֻּמָּם.