🔗

לָמָּה, יְחִידָתִי, בְּדַָם תִּתְגּוֹלֲלִי? / אִם עַל פְּשָׁעַיִךְ מְאֹד תִּתְחַלְחֲלִי

וַתִּשְׁפְּכִי לִבֵּךְ כְּמוֹ מַיִם פְּנֵי / עֶלְיוֹן, וְעַד אָן מִכְּאֵב תִּשְׁתּוֹלֲלִי?

יִחוּד שְׁמוֹ בֹּקֶר וְעֶרֶב צַלְצְלִי, / כֹּל הַנְּשָׁמָה יָהּ תְּהַלֵּל – הַלֲלִי!

   🔗

לִפְנֵי אֱלֹהַיִךְ שְׁחִי, תִּתְהַלְּכִי / עֶרְיָה עֲרֻמָּה וַחֲמָתוֹ שַׁכְּכִי

וּבְעַד פְּשָׁעַיִךְ סְלִיחָה בַקְּשִׁי, / נַפְשִׁי, וְדִמְעָה כַנְּחָלִים שִׁפְכִי.

יוֹמָם, יְחִידָתִי, וְלַיִל אֶת שְׁמוֹ – / מִדֵּי הֱיוֹת רוּחֵךְ בְּאַפֵּךְ – בָּרְכִי!

   🔗

לְהַלֶּלְךָ בְּכָל שַׁחְרִי וְנִשְׁפִּי / לְשׁוֹנִי יִדְרְשָׁה תָמִיד וְגַם פִּי,

וְאָקוּמָה לְשַׁחֶרְךָ בְּשִׂיחִי / וְאֶת נַפְשִׁי לְךָ אָשִׂים בְּכַפִּי.

יְחִידָתִי לְךָ תַעְטֹף וְתִשְׁאַל / סְלִיחָה מִקְּשִׁי לִבִּי וְעָרְפִּי.

חֲמֹל עָלַי וְחֹן, מַלְכִּי קְדוֹשִׁי, / אֲשׁוֹרֵר לָךְ בְּעוּגָבִי וְתֻפִּי,

קְרָאתִיךָ וּבֹקֶר לָךְ אֲצַפֶּה, / בְּעוֹדִי חַי וְנִשְׁמָתִי בְאַפִּי.

   🔗

לִקְרַאת מְקוֹר חַיַּי אֶתֵּן מְגַמָּתִי, / טֶרֶם יְשִׁיבוּנִי יָמִים לְאַדְמָתִי.

לוּ חָכְמָה נֶפֶשׁ רוּחַ מְרַדֶּפֶת / כִּי הִיא לְבַדָּהּ מִתֵּבֵל תְרוּמָתִי

וִיהִי לְבָבִי עֵר מֵבִין לְאַחְרִיתִי / כִּי יוֹם תְּנוּמָתִי תִּהְיֶה תְקוּמָתִי –

יוֹם יַעֲמִיד מַעְשֵׁה יָדַי לְעֻמָּתִי, / יוֹם יֶאֱסֹף אֵלָיו רוּחִי וְנִשְׁמָתִי.

   🔗

לָמְדָה לְשׁוֹנִי, יָהּ, לְסַפֵּר חַסְדְּךָ, / כִּי נִהֲגַנִי חַסְדְּךָ מֵעוֹדִי,

וּבְיוֹם אֲשֶׁר אִירָא וְשִׁמְךָ אֶקְרְאָה – / חַיִּים וְחֶסֶד תַּעֲשֶׂה עִמָּדִי.

יָהּ, כֵּן בְּעוֹד אֶת הַנְּשָׁמָה תַעֲצֹר – / לִבִּי יְבָרֵךְ אֶת שְׁמָךְ וּכְבוֹדִי.