א           מִזְמוֹר שִׁיר-חֲנֻכַּת הַבַּיִת לְדָוִד:

ב           אֲרוֹמִמְךָ יְיָ כִּי דִלִיתָנִי

וְאֹיְבַי לֹא עוֹד בִּי יָשִׂישׂוּ:

ג           מִיּוֹרְדֵי בוֹר חִיִּיתָנִי

בְּמַלְאֲכֵי מַשְׁחִית גָּעַרְתָּ וַיָנוּסוּ:

ד           מִן שְׁאוֹל הֶעֱלִיתָ נַפְשִׁי

וַתּוֹצִיאֵנִי מִמַּאֲסָר לְחָפְשִׁי:

ה           חֲסִידֵי יְיָ זַמְּרוּ לוֹ

אַל יֵרַךְ לְבַבְכֶם בַּחֲרוֹנוֹ:

ו           כִּי רֶגַע בְּאַפּוֹ יִתֵּן קוֹלוֹ

וְחַיִים עַד עוֹלָם בִּרְצוֹנוֹ:

ז           אִם יָגוֹן וּבֶכִי יָלִין בָּעֶרֶב

בַּבֹּקֶר תַּעֲלֹזְנָה כְּלָיוֹת וָקֶרֶב:

ח           גַּם אֲנִי בָאָרֶץ בֶּטַח גַּרְתִּי

וְהָיִיתִי בָרִיא אוּלָם:

ט           אָז בְּשַׁלְוִי אָמַרְתִּי

בַּל אֶמּוֹט לְעוֹלָם:

י           וַיִחַר אַפְּךָ וַתָּפֶר מְנוּחָתִי

הִסְתַּרְתָּ פָנֶיךָ וְנִבְהָל הָיִיתִי:

יא           אָמַרְתִּי לְנַפְשִׁי אַל דֳמִי

וְאֵלֶיךָ יְיָ קָרָאתִי:

יב           מַה-בֶּצַע אֱלֹהִים בְּדָמִי

בְּרֶדֶת אֶל שַׁחַת חַיָּתִי:

יג           הֲיוֹדְךָ בַּקֶּבֶר עָפָר וָאֵפֶר?

בִּשְׁאוֹל מִי יִתֵּן אִמְרֵי שָׁפֶר:

יד           שָׁמַעְתָּ אֱלֹהִים אֶת-קוֹל תְּפִלָּתִי

וּלְמָחוֹל מִסְפֵּד לִי הָפַכְתָּ:

טו           הוֹצֵאתַנִי לְמֶרְחָב אֱלֹהֵי יְשׁוּעָתִי

אֲזַרְתָּנִי שִׂמְחָה וְשַׂקִּי פִּתַּחְתָּ:

טז           לְמַעַן אֲזַמֶּרְךָ כִּי הַיְשׁוּעָה מִמֶּךָּ

יְיָ אֱלֹהַי לְעוֹלָם אוֹדֶךָ: