Lelio della Torre

[נולד בקוּנֵיאוֹ (Cuneo) בפלך פְּיֶמוֹנְטֵי בשנת 1805 ומת בפַּדוֹבָה בשנת 1871]

– – – –   – – – –   – – –

אַחַי רֵעַי אַיָּם? מַהֵר נָא רוּצוּ,

יֶדְכֶם מִלֵּאתִי טוֹב, נָא תוֹשִׁיעֵנִי.

גַּלְגַּל עִתִּי נֶהְפַּךְ וַיַּשְׁלִיכֵנִי,

כִּסְלִי שַׁתִּי בָכֶם, מָה לִי תָעוּצוּ.

אַךְ מֶה? עֹרֶף תַּפְנוּ, מִנִּי תָפוּצוּ,

תַּלְעִיגוּ לִי, כָּל־רֵעַ יַעַזְבֵנִי?

הָהּ לֹא רֵעַי (מַסְוֶה יִפֹּל מִמֶּנִי)

רֵעֵי שַׁלְוָתִי הֵמָּה, בִּי יָקוּצוּ.

אֶתְמוֹל עֵת בִּדְבִיר־עֹנֶג צוּף טָעָמְתִּי

סַבֻּנִי כָל־הַיּוֹם דִּגְלִי הֵנִיפוּ

לִשְׁקֹד עַל־דַּלְתוֹתַי כַּטַּל עַל־אָחוּ.

הַיּוֹם עַל־עֶזְרָתָם מִבְטַחִי שָׂמְתִּי

כִּי מַיִם זֵידוֹנִים נַפְשִׁי הֵצִיפוּ:

אֵין אִישׁ מֵהֶם, רֶגַע כֻּלָּם בָּרָחוּ.