ואומר אל תישן

“קול אכ֗ר לבן לבראט ז֗ל֗ פי צנוף אל גבוק ואל צבוח ואל אדמאן מוזון כ֗פיף מדרב בדרב עלי צות אל מראזיב וחסיס אל אותאר ורנין אל אטיאר פי ורק אל אשג֗אר ושם צנוף אל אעטאר ד֗לך וצפה פי מג֗לס חסדאי אלספרדי ע֗֗ס [=עליה אל-סלאם] פקאלה ואומר אל תישן שתה יין ישן וכ֗ו֗.”¹

וְאוֹמֵר: "אַל תִּישָׁן / שְׁתֵה יַיִן יָשָׁן²

וְכֹפֶר עִם שׁוֹשָׁן / וּמֹר עִם אֲהָלִים

בְּפַרְדֵּס רִמּוֹנִים / וְתָמָר וּגְפָנִים

וְנִטְעֵי נַעְמָנִים / וּמִינֵי הָאְשָׁלִים

וְרֶגֶשׁ צִנּוֹרִים / וְהֶמְיַת כִּנּוֹרִים

עֲלֵי פֶה הַשָּׁרִים / בְּמִנִּים וּנְבָלִים³

וְשָׁם כָּל עֵץ מוּנָף / יְפֵה פֶרִי עָנָף

וְצִפּוֹר כָּל כָּנָף / יְרַנֵּן בֵּין עָלִים

5 וְיֶהְגּוּ הַיּוֹנִים / כְּהוֹגִים וָעוֹנִים⁴

וְהַתּוֹרִים עוֹנִים / וְהוֹמִים כַּחְלִילִים

וְנִשְׁתֶּה בָּעְרוּגוֹת / בְּשׁוֹשַׁנִּים סוּגוֹת

וְנָנִיס הַתּוּגוֹת / בְּמִינֵי הִלּוּלִים

וְנאֹכַל מַמְתַּקִּים / וְנִשְׁתֶּה מִזְרָקִים⁵

וְנִנְהַג כַּעְנָקִים / וְנִשְׁתֶּה בִּסְפָלִים

וְנָקוּם בִּבְקָרִים / אֲנוּ לִשְׁחֹט פָּרִים⁶

בְּרִיאִים נִבְחָרִים / וְאֵילִים וַעְגָּלִים

וְנִמְשַׁח שֶׁמֶן טוֹב / וְנַקְטִיר עֵץ רָטֹב

בְּטֶרֶם יוֹם קָטוֹב / יָבוֹא בַּנְעוּלִים"⁷

10 גְּעַרְתִּיהוּ: "דֹּם דֹּם / אֱלֵי זֹאת אֵיךְ תִּקְדֹּם

וּבֵית קֹדֶשׁ וַהְדֹּם / אֱלֹהִים לָעְרֵלִים

בְּכִסְלָה דִּבַּרְתָּ / וְעַצְלָה בָחַרְתָּ

וְהֶבֶל אָמַרְתָּ / כְּלֵצִים וּכְסִילִים

וְעָזַבְתָּ הֶגְיוֹן / בְּתוֹרַת אֵל עֶלְיוֹן

וְתָגִיל וּבְצִיּוֹן / יָרוּצוּן שׁוּעָלִים

וְאֵיךְ נִשְׁתֶּה יָיִן / וְאֵיךְ נָרִים עָיִן

וְהָיִינוּ אַיִן / מְאוּסִים וּגְעוּלִים"