אֶפֶס אֱמֶת בִּלְתְּךָ וְהַכֹּל לְךָ,

יָעִיד עֲלֵי פִלְאֲךָ וְעַל גָּדְלְךָ,

אוֹתָךְ אֲבַקֵּשׁ וּבִי מְכוֹן כִּסְאֲךָ.

עֵינֵי לְבָבִי פְּקַח עֲדֵי יִרְאֲךָ,

תּוֹדִיעֵנִי אֹרַח חַיִּים, / שֹׂבַע שְׂמָחוֹת אֶת פָּנֶיךָ.

בִּזְרוֹעֲךָ תַּעֲמִיד לְכָל חַי גְּבוּל

וַתַּחֲצֹב גֵּו לְרוּחֲךָ בֵּית זְבוּל,

וַיֶּחֱזֶה בוֹ דְמוּת לְכָל נִפְלְאוֹת

יָדָךְ, וְהָיָה לְךָ לְעֵד גַּם לְאוֹת –

כִּי מִמֶּנּוּ תוֹצְאוֹת חַיִּים, / כִּי שַׂמְתָּ עָלָיו עֵינֶיךָ.

רוּחִי בְיָדָךְ – וּמַה בְּיָדִי עֲשׂוֹת?

כָּל תַּאֲוָתִי לְבַד בְּךָ לַחֲסוֹת.

אֵיךְ אֶאֱבַל עַל יְקָר – וּבָךְ אֶשְׂמְחָה!

אוֹ אֶפְחֲדָה מֵאֱנוֹשׁ – וּבָךְ אֶבְטְחָה!

אֵין טוֹב לָאָדָם בַּחַיִּים / כִּי אִם זְרוֹעֲךָ וְאוֹר פָּנֶיךָ.

מֵאִתְּךָ מַעֲנֶה לְפִי אֶשְׁאֲלָה,

שִׁמְךָ אֲהַלֵּל בְּךָ וְאֶתְפַּלְּלָה,

הֵא מַהֲלָלָךְ צֳרִי לְלֵב נֶהֱיֶה,

אֵיךְ אֶגְוְעָה – כִּי בְזִכְרָךְ אֶחֱיֶה!

<אֹרֶךְ יָמִים> וּשְׁנוֹת חַיִּים / נֶצַח נְעִימֹות בִּימִינֶךָ.

לתוכן הענינים

לדף הראשי של פרויקט בן-יהודה