לַבֹּכִים עַל-נַהֲרוֹת בָּבל עוֹרֲרוּ תַאֲנִיָּה
כּבוֹדָם גָּז חִישׁ כַּחֲלוֹם, אַרְצָם שַׁמָּה וּנְשִׁיָּה,
עַל-כִּנּוֹר צִיּוֹן כִּי נִשְׁבַּר דֶּמַע אַל-תַּחְשׂכוּ
הָהּ! בְּמִשְׁכְּנוֹת אֲבִיר יעֲקֹב מַרְגִּיזֵי-אֵל יִדְרֹכוּ!
מָתַי יִרְחַץ יִשׂרָאֵל רַגְלָיו מדָּם וָרֶפֶשׁ?
שִׁירֵי צִיּוֹן הַנְּעִימִים מָתַי יַרְנִינוּ כָל נֶפשׁ?
נְגִינוֹת בְּנֵי יְהוּדָה הַאִם כְּקֶדֶם תְּצִלֶּינָה
וּלְבַב כָּל-שֹׁמְעֵיהֶן עוֹד כְּמִלְּפָנִים תְּשִׁיבֶנָה?
שִׁבְטֵי-יָהּ נֹדֲדִים בַּגּוֹיִם, עֲיֵפִים וְיגֵעֵי-כֹחַ
מָתַי יִשְׁלְמוּ יְמֵי נוּדְכֶם אַף-תִּמְצְאוּ מָנוֹחַ?
גַּם-יוֹנָה מָצְאָה קֵן לָהּ, שׁוּעָל מְחִלּוֹת הָרִים
כָּל-אִישׁ אֶרֶץ מוֹלַדְתּוֹ – וִיהוּדָה אךְ קְבָרִים!