כִּנּוֹר מֶלֶךְ אַדִּיר אֵל לישֻׁרוּן הוֹכִיחַ,
אֲהוּב שַדַּי אְצְבְּעוֹת כַּפָּיו מֵיתָרָיו דָּפָקוּ,
הוּא קִדֵּש זִמְרַת הַנֵּבֶל לִשְׁפָּךְ-בָּהּ שִׂיחַ
וּבִשְׁפָךְ-לֵב גַּם-דִּמְעוֹת עֵינַיִם יוּצָקוּ;
נְהֵה-נָא מִשְׁנֶה נֶּהִי!..מֵיתָרָיו נִתָּקוּ!
בִּעיָם קוֹלוֹ הֵרַךְ גַּם-לֵב בַּרְזֶל וּנְחֹשֶׁת
עַל-עִקְשִׁים וּנְלוֹזִים רוּחַ נְדִיבָה נִגְלָתָה,
אֵי אֹזֶן עֲרֵלָה אֵי נֶפֶשׁ לֹא-יָדְעָה בֹשֶת
הֶמְיַת נְגִינָתוֹ לֹא עֲלֵיהֶן הִפִּילָה אֵימָתָה?
עֲדִי זִמְרַת כִּנּוֹר דָּוִד עַל-כִּסְאו נַעֲלָתָה!
עזוּז הַמֶּלֶךְ הִבִּיעַ, תִּפְאֶרֶת הַדֵּגֶל
אַף רוֹמֲמוֹת אֵל עֶלְיוֹן שֹׁכֵן יְרוּשָׁלָיִם,
הָעֲמָקִים עָטְפוּ גִיל, גְּבָעוֹת רָקְדוּ כָעֵגֶל
וַאֲרָזִים יָצאוּ לָחוּל בִּמְחֹלַת מַחְנָים;
צִלְצְלֵי זִמְרָתוֹ עָלוּ רֹם, יִנְווּ בַשָּׁמָיִם!
אַף כִּי מִנִּי-אָז קוֹלוֹ לֹא נִשְׁמַע בָּאָרֶץ,
אַךְ יַד-אַהֲבָה וּתְפִלָּה עַל-אִישׁ כִּי-תָנוּחַ
יִתְקְפֵהוּ הָרוּחַ, לָעוּף עָל יִפְרֹץ פָּרֵץ,
הֶגה מִפִּיו יֵצֵא כְּמוֹ מִמָּרוֹם שָׁלוֹחַ,
יַחֲלֹם חֲלֹמוֹת, גַּם-אוֹר יוֹם לֹא יִזְרֵם לָרוּחַ.