ולה איצ ͘א מת ͘ל ד ͘לך [ולו עוד דוגמתו; מכוון לכותרת של עז]

— — È — / — — È — / — — È — // — — È — / — — È — / — — —

אִם אַחֲרִית שִׂמְחַת אֲדָמָה אֵבֶל / גַּם סוֹף מְנוּחָתָהּ לְטִיט וָחֵבֶל

וִימֵי אֱנוֹשׁ כַּצֵּל אֲשֶׁר לֹא-יַעֲמֹד / פִּתְאֹם יְהִי נִשְׁבָּר כְּשֵׁבֶר נֵבֶל

עַל-מַה-נְּבַקֵּשׁ בִּלְעֲדֵי שַׁדַּי הֲלֹא / כָּל-מַעֲשֵׂינוֹ בִּלְעֲדֵי זֹאת הֶבֶל.

¹

— — È — / — — È — / — È — — — / — — È — / — — È — — È — — —

כָּתַב סְתָיו בִּדְיוֹ־מְטָרָיו וּבִרְבִיבָיו / וּבְעֵט־בְּרָקָיו הַמְּאִירִים וְכַף־עָבָיו

מִכְתָּב עֲלֵי גַן מִתְּכֵלֶת וְאַרְגָּמָן / לֹא נִתְכְּנוּ כָהֵם לְחוֹשֵׁב בְּמַחְשָׁבָיו

לָכֵן, בְּעֵת חָמְדָה אֲדָמָה פְּנֵי שַׁחַק, / רָקְמָה עֲלֵי בַדֵּי עֲרוּגוֹת כְּכוֹכָבָיו.

וְלֵב נָבוּב וְתוּשִׁיָּה סְתוּמָה

וְגוּף נִרְאֶה וְנֶפֶשׁ נַעֲלָמָה,

וְאֶרֶץ שׁוֹחֲרֶיהָ יִמְצְאוּ רָע

וְלֹא שָׂשׂוֹן לְאָדָם בָּאֲדָמָה:

וְעֶבֶד יַהֲרֹג הַיּוֹם אֲדֹנָיו,

וְשִׁפְחָה יִסְּרָה מַלְכָּהּ, וְאָמָה,

וּבֵן יָקוּם עֲלֵי אָבִיו וְאִמּוֹ

וְכֵן הַבַּת בְאָבִיהָ וְאִמָּהּ.

יְדִידַי, רָאֲתָה עֵינִי בְּתֵבֵל,

אֲשֶׁר הַטּוֹב בְּעֵינֵי כֹל – מְהוּמָה!

יְמֵי חַיֵּי אֱנוֹשׁ יִשָּׂא עֲמָלִים

וְיִשָּׂא אַחֲרִיתוֹ גוּשׁ וְרִמָּה.

וְתָשׁוּב הָאֲדָמָה לָאֲדָמָה

וָתַעַל הַנְּשָמָה לַנְּשָׁמָה.

מַה תִּפְחֲדִי, נַפְשִׁי, וּמַה תָּגוּרִי?

שִׁכְנִי וְגוּרִי בַּאֲשֶׁר תָּגוּרִי!

אִם נֶחְשֱׁבָה תֵבֵל קְטַנָּה לָךְ כְּכַף,

אָנָה, עֲנִיָּה סֹעֲרָה, תָּתוּרִי?

טוֹב מֵהֲלֹך אָנֶה וְאָן כִּי תֵשְׁבִי

לִפְנֵי אֲדוֹנַיִךְ וְלֹא תָסוּרִי.

אִם מֵאֱנוֹשׁ תִּנָּזְרִי – תֵּעָזְרִי

וּשְׂכַר פְּעֻלָּתֵךְ אֲזַי תָּשׁוּרִי.

אִם תַּאֲוַת נַפְשֵׁךְ כְּעִיר מִבְצָר – הֲלֹא

ִתפֹּל בְּיָדֵךְ, אִם מְעַט תָּצוּרִי

אֵין לָךְ בְּקֶרֶב הָאֲדָמָה נַחֲלָה:

עוּרִי לְבַקֵּשׁ אַחֲרִיתֵךְ, עוּרִי!

אִם תֹּאהַב לִהְיוֹת בְּאַנְשֵׁי חֶלֶד,

אִם נַפְשְׁךָ תָּגוּר שְׁבִיבֵי פֶלֶד –

הָקֵל יְקָר תֵּבֵל וְאַל יִשִׂיאֲךָ

עֹשֶׁר וְלֹא כָבוֹד וְגַם לֹא יֶלֶד,

יֵקַל בְּעֵינֶיךָ מְאֹד קָלוֹן וְרִישׁ,

מוֹת מִבְּלִי בֵּן כַּאֲשֶׁר מֵת סֶלֶד.

דַּע נַפְשְׁך הֵיטֵב, בְּיַעַן הִיא לְבַד

מִן הַשְּאֵר תִּשְאַר וּמִן הַגֶּלֶד.