תְּלֻנָּתִי עֲלֵי נַפְשִׁי

אֲשֶׁר מָאְסָה בְּמוֹכִיחַ,

אַבָל הָאֵל אֲשֶׁר גָּזַר

נְדוֹד עָלַי וְהִדִּיחַ‑

בְּהַחְלִיפִי עֲצֵי עֵדֶן

בְּמַלּוּחַ עֲלֵי שִׂיחַ,

וְקַצְתִּי בֶאֱכֹל הַמָן

וּבִקַשְׁתִּי אֲבַטִּיחַ!

א

עּפֶר אֲשֶׁר נִקְרָא שְׁמוֹ אַהְרֹן

שׁוֹשָׁן עֲמָקִים וַהֲדַס שָׁרוֹן

אִם אַהֲרֹן חָבַשׁ פְּאֵר כָּבוֹד

הִנֵּה חֲבוּשְׁךָ עוֹד וְיֵשׁ יִתְרוֹן

כִּי שָׂם צְנִיפְךָ אֵל צְנִיף יֹפִי

וּצְנִיף פְּתִילִים שָׂם צְנִיף אַהְרֹן

אִם מִשְבְּצוֹת זָהָב עֲלֵי לִבּוֹ

הֵן מִשְׁבְּצוֹת הוֹדְךָ לְדוֹר אַחְרוֹן

עַל לֵב בְּנֵי יָמִים וּבָךְ פִּיהֶם

מָלֵא שְׂחֹק וּבְגִיל לְשׁוֹנָם רֹן

צִבְיִי חֲמֹל וּקְרָא בְחֵן לַאְסִיר

תִּקְוָתְךָ שׁוּבָה לְבִצָּרוֹן

טוּרֵי אֲהָבַי יִהְיוּ נֵצַח

עַל לִבְּךָ תָּמִיד לְזִכָּרוֹן

יִהְיוּ מְצֻפִּים מִפְּנִים וָחוּץ

דּוֹדִי בְּהוֹד וָתֹם כְּמוֹ אָרוֹן.