אֲקוֹנֵן עַל מַר תְּלָאוֹתָי

אֲחַלֵּק בְּיַעֲקֹב קִינוֹתָי

וַאֲפִיצֵם בְּיִשְׂרָאֵל

אֲסַפֵּר תְּלָאוֹת אַחֲרֹנוֹת

אֲשֶׁר שִׁכְּחוּ רִאשׁוֹנוֹת

אֲשֶׁר עָשָׂה לְיִשְׂרָאֵל

וּבַעֲלֵי אֲנִיּוֹת יִתְמָהוּ

וְלָשֵׂאת נְהִי יִנָּהוּ

עַל אוֹדֹת יִשְׂרָאֵל

בֵּין צִבְאוֹת שֵׂעִיר וְקֵדָר

אָבַד צְבָאִי וְנֶעְדַּר

יֹצֵא צָבָא בְּיִשְׂרָאֵל

הֵם כִּי יִלָּחֲמוּ בְמִלְחַמְתָּם

אֲנַחְנוּ נֹפְלִים בְּמַפַּלְתָּם

וְזֹאת לְפָנִים בְּיִשְׂרָאֵל

מִכָּל עֵבֶר פַּח וּמוֹקֵשׁ

וְאֵין אִישׁ עֹמֵד לְבַקֵּשׁ

טוֹבָה לִבְנֵי יִשְׂרָאֵל

וּבַאֲשֶׁר לְהִלָּחֵם יְשׁוֹטֲטוּ

לְהֶרֶג וְאַבְּדָן יְלֻקְּטוּ

לְאַחַד אֶחָד בְּנֵי יִשְׂרָאֵל

לָמָּה אֲדֹנָי וְעַד כַּמָּה

מִדַּת הַדִּין וְהַנְּקָמָה

הִיא שֹׁפְטָה אֶת יִשְׂרָאֵל

אֶזְעַק חָמָס וְאֵין קשֵׁב

וְאַתָּה קָדוֹשׁ יוֹשֵׁב

תְּהִלּוֹת יִשְׂרָאֵל

וְאִם לֹא בְרַחֲמִים תֵּפֶן

עוֹלֵל יְעוֹלֲלוּ כַגֶּפֶן

שְׁאֵרִית יִשְׂרָאֵל

קְפָדָה אַחַר קְפָדָה

וּמִמָּרָה עַד חֲרָדָה

מַסְעֵי בְנֵי יִשְׂרָאֵל

נִשְׁמַע הַדָּבָר הָרָע

וּמְקוֹם בְּגָדַי נִקְרַע

לִבִּי לְחוֹקְקֵי יִשְׂרָאֵל

סְגֻלַּת רָאשִׁים וּסְגָנִים

חֲכָמִים יְדֻעִים וּנְבֹנִים

רָאשֵׁי אַלְפֵי יִשְׂרָאֵל

עִמָּם הָדָר וְתִפְאָרָה

וְלָהֶם הַצִּיץ וְהָעֲטָרָה

וּלְמִי כָּל חֶמְדַת יִשְׂרָאֵל

מַעֲרָכָה מוּל מַעֲרָכָה

עֹשֵׂי מְלֶאכֶת מַמְלָכָה

אֲצִילֵי בְנֵי יִשְרָאֵל

יוֹם שֹׁד מִשַּׁדַּי אָתָה

וּבוֹשִים יוֹעֲצִים וְנֶעֱשְתָה

עֲצַת קְדוֹשׁ יִשְרָאֵל

עַל עִיר סֹחֲרֶיהָ שָׂרִים

בְּתוֹכָה שִׁשִּׁים גִּבּוֹרִים

מִגִּבֹּרֵי יִשְׂרָאֵל

וּמַלְאָךְ בָּתֵּיהֶם יִסָּח

בָעֵת הַהִיא לֹא פָסַח

עַל בָּתֵי בְנֵי יִשְׂרָאֵל

גְּזֵרָה נִגְזְרָה וּבָאָה

מֵאֵת אֲדֹנָי יָצַאָה

לְהָמִית עִיר וְאֵם בְּיִשְרָאֵל

מַלְאֲכֵי מָוֶת נֶעֱרָכִים

וְלֹא הִכְנִיסוּ מַלְאָכִים

בְּכִי תַחֲנוּנֵי בְּנֵי יִשְׂרָאֵל

וּבְיוֹם אֲשֶׁר הָבְקְעָה הָעִיר

יָצְאָה נִקְמַת בְּנֵי שֵׂעִיר

כַּאֲשֶׁר הָיְתָה לְיִשְׂרָאֵל

חֲלָלִים חוּצוֹתָם מָלְאוּ

וְהַמַּשְׁחִיתִים קוֹל נָשְׂאוּ

עַל בְּתוּלַת יִשְׂרָאֵל

וְאַחַר עֲבֹר חֶרֶב נְקָמָה

שִׁבְיָה וְרָעָב וְצָמָא

קִדְמוּ אֶת בְּנֵי יִשְׂרָאֵל

עַל כֵן אֶשּׂם וְאֶשְׁאַף

כִּי אֵל גָּדַע בָּחֳרִי אַף

כֹּל קֶרֶן יִשְׂרָאֵל

עַד מָתַי קֵץ פְּלָאוֹתַי

אֱלֹהֵי צְבָאוֹת וְעַד מָתַי

יְבֻקַּשׁ אֶת עֲוֹן יִשְׂרָאֵל

חוּסָה וְהָיִיתָ לְמַחֲסֶה

הֲכָלָה אַתָּה עֹשֶׂה

אֵת שְׁאֵרִית יִשְרָאֵל.

לעת צר ומלחמה

אָשִׂימָה מְגַמָּתִי לְקוֹנֵן עַל אַגְמֵי מָיִם

בִּרְכַּי כָּשְׁלוּ מִצוּם עַל בִרְכוֹת שָׁמַיִם וּבְרַכוֹת מָיִם

גִּילַת הָעָם הָגְלְתָה וְלֹא נִגְלוּ גֻּלֹּת מָיִם

וַיִצְמָא שָׁם הָעָם לַמָּיִם

דָּלְפוּ עֵינַי מְיַחֵל דָּלְפוּ מָיִם

הֲנִשְׁמַע הֲמוֹן שִיר וְאֵין בַּשָׁמַיִם הֲמוֹן מָיִם

וְאוּלָם אֶעֱרֹג עַל עֲרֻגֹת יָבְשׁוּ מֵאֵין מָיִם

כְּאַיּל תַּעֲרֹג עַל אֲפִיקֵי מָיִם

זֹרְמוּ דְמָעַי כִּי לֹא זֹרְמוּ זִרְמֵי מָיִם

חָשְׁכוּ עֵינַי מְיַחֵל בַּשַּׁחַק חֶשְׁכַת מָיִם

טְלָלִים חָסְרוּ וְעָב לֹא נִמְלָא טַלְלֵי מָיִם

בְּאֶרֶץ צִיָּה וְעָיֵף בְּלִי מָיִם

ִיּבּוֹל הָעֵץ וְיִבּוֹל עָלֵהוּ וְאֵין יְבוּל מֵאֵין נִבְלֵי מָיִם

כָּלְתָה כָל נֶפֶשׁ כִּי שָׁבוּ כְלֵיהֶם רֵיקָם בְּלִי מָיִם

לֵבָב לִפְנֵי אֵל שֹׁכֵן שָׁמַיִם

עַל הָאָרֶץ תִּשְׁפְּכֶנּוּ כַּמָּיִם

מַבּוּעַ מִסְפֵּד סָפְדוּ עַל מַבּוּעֵי מָיִם

נֶחְלוּ נֹחֲלֵי דָת כִּי חָרְבוּ נַחֲלֵי מָיִם

שָׂעֲרוּ שַׂעַר כִּי אֵין עַל דֶּשֶׁא שְׂעִירֵי מָיִם

וַיֹּאמְרוּ תְּנוּ לָנוּ מָיִם

עֻנֵּיתִי וְלֹא נַעֲנֵיתִי וְעֵינַי עֵינֹת מַיִם

פֻּלַּג לְבָבִי עַל חֶסְרוֹן פַּלְגֵי מָיִם

צוֹם צַמְתִּי עַל צִמָּאוֹן אֲשֶׁר אֵין מָיִם

עֵינִי עֵינִי יֹרְדָה מָּיִם

קֹרֵא לְמֵי הַיָּם הִקָּרֵה לִקְרַאת שֹׁאֲלֵי מָיִם

רִשְׁפֵּי לְבָבוֹת תְּכַבֶּה בִּרְסִיסֵי מָיִם

שְׁקֹד לְהֵיטִיב לְשֹׁקֵק אֶל שִׁקֲתוֹת הַמָּיִם

אִם צָמֵא הַשְׁקֵהוּ מָיִם

תְּשֻׁאוֹת חֵן חֵן תַּשְׁמִיעַ בִּתְשֻׁאוֹת מָיִם

חָזוּת קָשָׁה אַל יִשָּׁמַע עַל חֲזִיזֵי מָיִם

קוֹל רַחֲמִים יִשָּׁמַע כְּקוֹל מָיִם

קוֹל אֲדֹנָי עַל הַמָּיִם

יֵאוֹרוּ חֲסָדֶיךָ וְאַל יוּאָרוּ יְאוֹרֵי מָיִם

הִמָּלֵא רַחֲמִים וְיֶהֱמוּ לִי הֲמְלּוֹת מָיִם

וּבַשַׂר שֹׁאֲלֶיךָ לֵאמֹר הִנֵּה עַנֲנֵי מָיִם

קִדְּמוּ אֶתְכֶם בַּלֶּחֶם וּבַמָּיִם

דַּלִּים דָּפְקוּ דְלָתֶיךָ כִּי דָלְלוּ דְּלָיֵי מָיִם

בַּיוֹם תְּאַמֵּץ בִּרְכֵיהֶם אֲשֶׁר הָלְכוּ מָיִם

בִּרְכוֹתֶיךָ צַוֵּה וֶאֱמֹר לְעָבֵי מָיִם

לִקְרַאת צָמֵא הֵתָיוּ מָיִם

נֹהֲרִים אֶל טוּבְךָ רַוֵּה בְּנַהֲרֵי מָיִם

שֹׁאֲבֵי דֶמַע נַהֵל עַל מַשְׁאַבֵּי מָיִם

מְקָרֶה עֲלִיּוֹת הִקָּרֵה וְהָקֵר מְקוֹרֵי מָיִם

וְהוֹצֵאתָ לָהֶם מָיִם

וְכַבֵּה שְׁבִיב שָׁרָב בִּרְסִיסֵי מָיִם

אָגִילָה בְךָ כִּי תִגְאָלֵנִי בְּאֶגְלֵי מָיִם

לִבְרָכָה וְלֹא לִקְלָלָה תּוֹרִיד מִטְרוֹת מַיִם

וִיהִי מַבְדִּיל בֵּין מַיִם לָמָיִם

לִתְעָלָה תַּעֲלֶה נְשִׂיאִים וְהַתְּעָלָה תִּמָלֵא מָיִם

וְקַו חֶסֶד יִנָּטֶה לַמְקַוִּים מִקְוֵה מָיִם

יוֹרֶה וּמַלְקוֹשׁ יָשִׂים מִדְבָּר לַאֲגַם מַיִם

אֶרֶץ צִיָּה לְמֹצָאֵי מָיִם

קָדוֹשׁ יְרַוֶּה אֶרֶץ לֹא שָׂבְעָה מַיִם

טָהוֹר יַשֵּׁב רוּחוֹ יִזְּלוּ מָיִם

נוֹרָא הַהֹפְכִי הַצּוּר אֲגַם מָיִם

חַלָּמִישׁ לְמַעְיְנוֹ מָיִם.

לעצירת מטר

מִכָּל בְּנֵי חֲלוֹף מְתֵי מָוֶת מִי זֶה אָמַר וַתֶּהִי

אַךְ אֵל תִּקַּן וּמִי יְעַוֵּת כִּי הוּא אָמַר וַיֶּהִי

מִכָל בְּנֵי עָפָר וָאֵפֶר מִי זֶה אָמַר וַתֶּהִי

אַךְ אֵל יָעַץ וּמִי יָפֵר כִּי הוּא אָמַר וַיֶּהִי

מִכָּל בְּנֵי בָתֵּי חֹמֶר מִי זֶה אָמַר וַתֶּהִי

אַךְ אֵל אֹמֵר וְהוּא גֹמֵר כִּי הוּא אָמַר וַיֶּהִי

מִכָּל מְיַחֲלֵי יוֹם חֲלִיפָה מִי זֶה אָמַר וַתֶּהִי

אַךְ אֵל אִמְרָתוֹ צְרוּפָה כִּי הוּא אָמַר וַיֶּהִי

מִכָּל יְצוּרֵי תַחְתִיּוֹת מִי זֶה אָמַר וַתֶּהִי

אַךְ אֵל מַגִּיד אֹתִיּוֹת כִּי הוּא אָמַר וַיֶּהִי

מִכָּל אֲשֶׁר הָיוּ כְרוּחַ מִי זֶה אָמַר וַתֶּהִי

אַך אֵל שַׁלִּיט בָּרוּחַ כִּי הוּא אָמַר וַיֶּהִי.

ליוצר

בְּלִבִּי וְרַעְיוֹנַי וּבְשִפְתֵי רְנָנַי

וּבִקְהַל עַם אֱמוּנַי אֲרֹמִמְךָ אֲדֹנָי

יְדִידַי בַּשְּׁחָרִים קְחוּ נָא הַיְשָׁרִים

עִמָּכֶם דְּבָרִים וְשׁוּבוּ אֶל אֲדֹנָי

הָעָם אֲשֶׁר דָּחוּם עַמִּים וּלְקָחוּם

דְּעוּ כִּי אֵל רַחוּם וְחַנּוּן אֲדֹנָי

וְאַחַת שָׁאַלְתִּי תְּבַשֵּׂר סָלָחְתִּי

הִנֵּה נָא הוֹאַלְתִּי לְדַבֵּר אֶל אֲדֹנָי

דְּחוּיֵי אַנְשֵׁי חֵדֶק לְחַזֵּק הַבֶּדֶק

זִבְחוּ זִבְחֵי צֶדֶק וּבִטְחוּ אֶל אֲדֹנָי

הָאֵל בְּחֶמְלָתְךָ חֹן עַל בֶּן אֲמָתֶךָ

כִּי לִישׁוּעָתְךָ קִוִּיתִי אֲדֹנָי.

יָהּ שְׁמַע אֶבְיוֹנֶיךָ הַמְחַלִּים פָּנֶיךָ

אָבִינוּ לְבָנֶיךָ אַל תַּעְלֵם אָזְנֶךָ

יָהּ עַם מִמַּעֲמַקִּים יִקְרְעוּ מֵרֹב מְצוּקִים

אַל נָא תְשִׁיבֵם רֵקִים הַיּוֹם מִלְּפָנֶיךָ

הַוּוֹתָם וַעֲוֹנָם תִּמְחֶה וְרֻבֵּי זְדוֹנָם

אִם לֹא תַעֲשֶׂה לְמַעֲנָם עֲשֵׂה צוּרִי לְמַעֲנֶךָ

וּמְחֵה הַיּוֹם חוֹבָם וּרְצֵה כְּמוֹ שַׁי נִיבָם

וּלְךָ תָכִין לִבָּם וְגַם תַּקְשִׁיב אָזְנֶךָ

דִּמְעַת פְּנֵיהֶם תִּשְׁעֶה וְתֶאֱסֹף עֵדֶר תֹּעֶה

וְתָקִים לָהֶם רֹעֶה וּפְקֹד בְּטוֹב צֹאנֶךָ

הֹלְכֵי בְדֶרֶךְ נְכֹחָה תְּבַשְּׂרֵם הַיּוֹם סְלִיחָה

וּבִתְפִלַּת הַמִּנְחָה הַמְצִיאֵם חִנֶּךָ.