רקע
שלמה אבן גבירול
שְׁעָלַי אֶפְרְשָׂה
mנחלת הכלל [?]
tשירה
פרטי מהדורת מקור: דב ירדן; תשל״ז

שְׁעָלַי אֶפְרְשָׂה תָּמִיד לְמַלְכִּי / וְאֶקֹּד לוֹ עֲלֵי אַפִּי וּבִרְכִּי

לְפָנָיו אֶעֱרֹךְ לִבִּי כְּקָרְבָּן / וְדִמְעִי אֶשְׁפְּכָה נֶגְדּוֹ כְּנִסְכִּי

מְיַחֵל כָּלְתָה נַפְשִׁי לְחַסְדּוֹ / כְּתוֹחַלְתִּי לְאוֹר בֹּקֶר בְּחָשְׁכִּי

הֲלֹא פָנָיו אֲשַׁחֵר אִם יְאַחֵר / וְיָדַעְתִּי אֱמֶת כִּי יַעֲנֶה כִּי

וְלִבִּי מַר יְשִׂיחֵנִי בְּמַאְמַר / זְכַרְיָה כִּי מְאֹד מָתוֹק לְחִכִּי

וְנִשְׁמָתִי תְדַבֵּר עַל לְבָבָהּ / דְּעִי כִּי לֶאֱלֹהַּ חַי תְּחַכִּי.


המלצות קוראים
תגיות